Mánudagurinn 6. apríl 2009
Opið verður í Lyfju Lágmúla frá til kl 07.00 á morgnana til kl 01.00 eftir miðnætti frá og með deginum í dag, 6.apríl. Með þessu telur Lyfja sig koma á móts við vaxandi eftirspurn viðskiptavina eftir sveigjanlegri opnunartíma. Ákveðnar breytingar hafa auk þess verið gerðar á versluninni undanfarið sem meðal annars fela í sér bætta biðaðstöðu og skilvirkari afgreiðslu lyfja. Á næstunni munu viðskiptavinir auk þess sjá ákveðnar betrumbætur í verslunarrými Lyfju í Lágmúla, og fjölda vörunýjunga í snyrti- og hreinlætisvörum, svo eitthvað sé nefnt.