Spurning barst þann 5.8.2009
Spurning:
Er með hunda og ketti, hver er munurinn á ormalyfjunum : Panacure-vet og Zantel ?
Svar:
Panacur inniheldur virka innihaldsefnið fenbendazól(250mg) en Zantel inniheldur tvö virk innihaldsefni fenbendazól (500mg) og prazikvantel (50mg). Bæði þessi lyf eru breiðvirk ormalyf gegn þráð- og bandormum en Zantel virkar þó á fleiri tegundir af bandormum.
Panacur þarf að gefa 1 töflu (250mg) á hver 5 kg líkamþunga og gefa þarf lyfið 3 daga í röð. Með Zantel þarf bara að gefa 1 töflu á hver 10 kg og það bara í einum skammti.
Zantel má ekki gefa kettlingum sem ekki eru orðnir 8 vikna gamlir og ekki má gefa kettlingafullum læðum lyfið. það skal þó alltaf tala fyrst við dýralækni ef gefa þarf hvolpafullum hundum eða kettlingafullum læðum ormalyf.
Kveðja,
Guðrún Björg, lyfjafræðingur