Hár gegnir mikilvægu hlutverki í daglegu lífi. Hár annars einstaklings er eitt af því fyrsta sem maður tekur eftir við fyrstu kynni. Okkar eigið hár er eitt af fyrstu og síðustu hlutunum sem við athugum með áður en við förum út úr húsi. Vandamál tengd hári, sérstaklega alvarleg, geta haft áhrif á lífsgæði. Skalli getur valdi mörgum hugarangist og óþægindum. Þetta getur komið fram í kvíða, minnimáttarkennd, minnkuðu sjálfstrausti og breytingum á sjálfsmynd einstaklings. Árið 1992 var gerð rannsókn á 145 mönnum við Old Dominion University in Norfolk, Virginia, USA. Niðurstöður hennar voru að 84% þeirra sem misstu hár voru uppteknir af hártapi sínu. Margir þeirra lýstu sér sem hjálparlausum og sjálfsmeðvituðum um hártapið. Einhleypir karlar og konur sem byrjuðu að tapa hárinu snemma á þrítugsaldri voru líklegri til að þjást af mjög lágu sjálfsáliti.
Þó skalli sé ekki endilega stóráfall fyrir alla þá er ýmislegt fróðlegt sem kemur fram þegar áhrif þess að tapa hári eru rannsökuð. Menn sögðust stöðugt vera að kíkja í spegil og vera jafnvel með hatta á heitum dögum. Flestir komust þó í gegnum daginn án vandræða og sumir fá aukið sjálfstraust og taka upp ýmsa "sjálfbætandi" iðju eins og líkamsrækt, vera snyrtilegri til fara og að klæða sig frekar eftir tísku.
Hversu djúpt nær kvíði sköllótts manns? Könnun gerð á fólki með lítið hárlos á móti miklu leiddi í ljós eftirfarnandi:
| |
Lítið hártap |
Mikið hártap |
| Taka eftir öðrum sköllóttum |
54% |
82% |
| Líta út fyrir að vera eldri |
40% |
50% |
| Áhyggjur af hvað öðrum finnst |
39% |
56% |
| Áhyggjur af að eldast |
37% |
46% |
| Finnst þeir ekki aðlaðandi |
31% |
51% |
| Breyta um hárstíl |
63% |
66% |
| Klæða sig eftir tísku |
26% |
45% |
| Eru með hatta eða húfur |
23% |
41% |
| Láta sér vaxa skegg |
18% |
36% |
Það að reyna að forða skallamyndun er ekkert nýtt í mannkynssögunni. Egyptar (1150 BC) báru á skallabletti sína fitu úr ljónum, krókódílum, snákum og fleiri dýrum. Fjöldi "meðala" gegn skallamyndun er gífurlegur en mörg þeirra virka því miður ekki eða lítið. Leitin að hinu fullkomna skallameðali stendur enn yfir og í raun þokast lítið.
Hérlendis eru tvö sérlyf fáanleg gegn skallamyndun, annars vegar
Regaine (mínoxídíl) og hins vegar
Propecia (fínasteríð).
Regaine fæst í apótekum án lyfseðils en Propecia fæst aðeins gegn lyfseðli frá lækni.