Terbinafin

Terbinafin Actavis 10 mg/g krem.

Sveppasýking

Notkun handa fullorðnum og börnum 12 ára og eldri:Þvoið og þurrkið húðina vandlega áður en kremið er sett á.  Berið kremið á í þunnu lagi á bólgnu húðina og aðeins í kring.  Nuddið kreminu gætilega inn. Ef þroti er í húðfellingum (milli táa eða í nára) má hylja húðina með dauðhreinsaðri grisju, sérstaklega á næturnar.Þvoðu hendurnar eftir að þú nuddar kreminu inn.

• Sveppasýking á milli táa: einu sinni á dag í 1 viku. 
  
• Sveppasýking í nára (þ.m.t. Candida): einu sinni á dag í 1 til 2 vikur. 
  

Einkenni hverfa yfirleitt eftir nokkra daga og húðin grær alveg eftir svolítinn tíma, en mikilvægt er aðljúka meðferðinni til að hindra bakslag. Ef einkenni versna eða batna ekki á 1 viku (sveppasýking á milli táa) eða tveimur vikum (sveppasýking í nára) skal hafa samband við lækninn eða lyfjafræðing vegna þess að einkennin gætu hafa verið af völdum einhvers annars en sveppasýkingar.

Terbinafin Actavis krem er ekki ætlað til meðferðar við sveppasýkingu í nöglum. Ef grunur er um sveppasýkingu í nöglum (t.d. ef nöglin er upplituð eða hefur þykknað) skal leita ráða hjá lækni. 

Lyfið fæst án lyfseðils
Lyfjaflokkur - Önnur sveppalyf til staðbundinnar notkunar
Húðlyf/Sveppalyf ATC flokkur- D 01 A E 15
Lyfjaform og notkun- Krem til útvortis notkunar
Virk innihaldsefni og styrkleikar - Terbinafin 10 mg/gPakkningastærðir - 15 gr túba

Samantekt um eiginleika lyfs (SPC) URL 

Markaðsleyfishafi: Actavis Group PTC ehfSkráð frá 1. september 2015

Varúðarorð:

Terbinafin Actavis 10 mg/g krem- Gegn sveppasýkingu á milli táa eða í nára
Notkunarsvið: Terbinafin Actavis inniheldur virka efnið terbínafínhýdróklóríð sem er sveppalyf til staðbundinnar notkunar en terbínafín er allýlamín, sem hefur breiða sveppaeyðandi verkun. Lyfið fæst án lyfseðils til meðferðar við sveppasýkingu á milli táa (t.d. Trichophyton) og sveppasýkingu í nára (þ.m.t. candida). Skammtar, fullorðnir og börn 12 ára og eldri: Hreinsið og þurrkið sýktu svæðin vandlega áður en Terbinafin Actavis er borið á. Setjið kremið í þunnu lagi á sýktu húðina og svæðið í kring og nuddið því laust inn. Við fótsveppum og sveppum í nára skal bera kremið á sýkt svæði 1 sinni á dag í 1 viku. Ekki má nota Terbinafin Actavis ef ofnæmi er fyrir virka efninu, terbínafínhýdróklóríði eða einhverju hjálparefnanna. Sérstök varnaðarorð:  Terbinafin Actavis er aðeins til notkunar útvortis. Lyfið getur valdið ertingu í augum. Forðist að lyfið berist í augu, slímhúð eða í vefskemmd. Ef kremið berst í eitthvað af þessum svæðum á að hreinsa það vel með nægu vatni. Lyfið inniheldur sterýlalkóhól og cetýlalkóhól sem getur valdið staðbundnum húðviðbrögðum (t.d. snertihúðbólgu). Ekki á að nota Terbinafin Actavis á meðgöngu eða við brjóstagjöf nema það sé algerlega nauðsynlegt. Aukaverkanir: Eins og á við um öll lyf getur orðið vart við aukaverkanir. Staðbundin einkenni svo sem kláði, skinnflögnun, verkur á notkunarstað, erting á notkunarstað, truflun á litarefnum, sviði í húð, roðaþot, hrúður o.s.frv. geta komið fram á notkunarstað. Þessi óskaðlegu einkenni þarf að greina frá ofnæmisviðbrögðum þ.m.t. útbrotum sem stöku sinnum er greint frá og valda því að hætta þarf meðferð. Ef terbínafín berst í augu fyrir slysni getur það valdið ertingu. Geymið lyfið þar sem börn hvorki ná til né sjá. Lesið vandlega leiðbeiningar sem fylgja lyfinu. Markaðsleyfishafi:  Actavis Group PTC ehf. Ágúst 2015.