Fortum

Fortum er sýklalyf í flokki lyfja sem kallast cefalóspórín. Það er er notað við meðferð alvarlegra bakteríusýkinga hjá fullorðnum og börnum. Virka efnið í lyfinu heitir ceftazidím og það drepur bakteríur með því að hindra að þær geti myndað bakteríuvegg.

---

Notkun á lyfi

Lyfjaform:
Stungulyf.

Venjulegar skammtastærðir:
Læknirinn ákveður réttan skammt af Fortum og ræðst hann af: alvarleika og tegund sýkingar, hvort þú takir önnur sýklalyf, þyngd, aldri og nýrnastarfsemi. Læknir eða hjúkrunarfræðingur sjá yfirleitt um að gefa Fortum með inndælingu í bláæð eða vöðva.

Hversu langur tími líður uns verkun kemur fram:
Einstaklingsbundið.

Verkunartími:
Einstaklingsbundið.

Geymsla:
Geymið lyfið þar sem börn hvorki ná til né sjá við lægri hita en 25°C.

Ef skammtur gleymist:
Ef þú missir af inndælingu áttu að fá hana eins fljótt og unnt er. Ekki á að tvöfalda skammt til að bæta upp skammt sem gleymst hefur að nota, fáðu bara næsta skammt á venjulegum tíma.

Hvernig á að hætta töku lyfsins:
Í samráði við lækni.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).

Langtímanotkun:
Lyfið er ekki ætlað til langtímanotkunar.

---

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Húðútbrot
Krampar eða flog
Niðurgangur
Ofnæmisviðbrögð, útbrot, kláði og öndunarerfiðleikar
Verkur á stungustað

---

Milliverkanir

Rannsóknir á milliverkunum hafa aðeins verið gerðar með próbenecíði og fúrósemíði.

Sjá öll lyf sem geta haft áhrif á

Má ekki nota með

Getur haft áhrif á

• Furix
• Impugan
• Oftan Chlora

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú hefur fengið alvarleg ofnæmisviðbrögð við einhverju öðru sýklalyfi

Meðganga:
Það liggja ekki fyrir fullnægjandi upplýsingar um notkun ceftazidíms á meðgöngu.

Brjóstagjöf:
Ceftazidím má nota samhliða brjóstagjöf.

Börn:
Lyfið má gefa börnum og ráðast þá skammtar af þyngd.

Eldra fólk:
Fá lægri skammta, sérstaklega þeir sem eru eldri en 80 ára.

Akstur:
Fortum getur valdið aukaverkunum sem hafa áhrif á hæfni þína til aksturs, svo sem sundli/svima. Aktu ekki eða notaðu vélar nema þú sért viss um að finna ekki fyrir slíkum áhrifum.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.