Valcyte

Valcyte er veirulyf og er notað til meðferðar á cýtómegalóveiru (CMV)-sýkingum í sjónu augans hjá fullorðnum sjúklingum með alnæmi (AIDS). Og til varnar gegn CMV-sýkingum hjá fullorðnum og börnum sem ekki hafa cýtómegalóveiru en hafa gengist undir ígræðslu á líffæri frá gjafa sem hefur þessa veiru. CMV-sýking í sjónu augans getur valdið sjóntruflunum og jafnvel blindu. Virka innihaldsefni lyfsins kallast valgancíklóvír og það breytist í annað virkt efni sem kallast gancíklóvír í líkamanum. Lyfið hindrar það að veirur geti fjölgið sig og sýkt heilbrigðar frumur.

---

Notkun á lyfi

Lyfjaform:
Mixtúra til inntöku.

Venjulegar skammtastærðir:
Skammtastærðir eru mismunandi eftir meðferð. Alltaf skal fylgja leiðbeiningum læknis til að koma í veg fyrir ofskömmtun og taka mixtúruna með mat.

Þörf á að breyta mataræði meðan lyfið er tekið:
Nei.

Geymsla:
Blönduð mixtúra skal geyma í kæli við (2°C - 8°C) og nota innan 49 daga. Geymið lyfið þar sem börn hvorki ná til né sjá.

Ef skammtur gleymist:
Ef þú gleymir að taka skammt skal taka hann eins fljótt og hægt er og taka svo næsta skammt á réttum tíma. Ekki á að tvöfalda skammt til að bæta upp töflur sem gleymst hefur að taka.

Hvernig á að hætta töku lyfsins:
Ekki má gera hlé á töku né hætta að taka lyfið nema læknirinn segi til um það.

Ef tekinn er of stór skammtur:
Skal hafa samband við lækni, sjúkrahús eða eitrunarmiðstöð (543 2222).

Langtímanotkun:
Meðferðarlengd getur verið mismunandi.

---

Aukaverkanir

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Aukin hætta á sýkingum
Blóðleysi
Hiti og slappleiki
Hiti, hálsbólga, sár í munni
Höfuðverkur, sundl, þreyta
Kviðverkir, ógleði, uppköst og niðurgangur
Minnkuð matarlyst, þyngdartap
Óeðlilegar blæðingar og marblettir
Ofnæmisviðbrögð, útbrot, kláði og öndunarerfiðleikar
Sjónskerðing
Vöðvaverkir, liðverkir
Þunglyndi, kvíði
hiti, kuldahrollur, hjartsláttarónot, rugl og þvoglumæli

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

• Advagraf
• Advagraf (Lyfjaver)
• Cotrim
• Dailiport
• Eusaprim
• Idotrim
• Ikervis
• Modigraf
• Prograf
• Sandimmun Neoral
• Trimetoprim Meda

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• ef þú ert með of fá blóðkorn

Meðganga:
Lyfið getur skaðað ófætt barn, látið lækni vita af þungun eða fyrirhugaðri þungun. Konur á barneignaraldri verða að nota örugga getnaðarvörn þegar þær taka lyfið og í a.m.k. 30 daga eftir að meðferðinni lýkur. Karlar eiga að nota verjur meðan þeir eru að taka lyfið og halda því áfram í 90 daga eftir að meðferð lýkur.

Brjóstagjöf:
Lyfið á ekki að nota við brjóstagjöf.

Börn:
Læknir ákvarðar skammt út frá hæð, þyngd og nýrnastarfsemi.

Eldra fólk:
Engar rannsóknir hafa verið gerðar hjá öldruðum.

Akstur:
Aukaverkanir lyfsins geta haft áhrif á akstur, hver og einn þarf að meta aksturshæfni sína.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.