Xaluprine

Xaluprine er krabbameinslyf notað við bráðu eitilfrumuhvítblæði. Verkunarmáti merkaptópúrín, sem er virka efnið í Xaluprine, er nokkuð óljós en vitað er að lyfið hindrar framleiðslu á kjarnsýrum. Einungis læknar með sérþekkingu á blóðsjúkdómum ættu að hefja meðferð með lyfinu.

---

Notkun á lyfi

Lyfjaform:
Mixtúra.

Venjulegar skammtastærðir:
Skammtastærðir eru einstaklingsbundnar. Lyfið á að taka á kvöldin og eftir að skammtur er tekinn skal drekka vatn.

Hversu langur tími líður uns verkun kemur fram:
Persónubundið.

Verkunartími:
Ekki að fullu þekktur.

Þörf á að breyta mataræði meðan lyfið er tekið:
Lyfið má ekki taka með mjólkurvörum, lyfið þarf að taka 1 klst. fyrir eða 2 klst. eftir neyslu mjólkurafurða.

Geymsla:
Geymist í lokuðum umbúðum við stofuhita þar sem börn hvorki ná til né sjá. Geymslutími lyfsins eru 56 dagar eftir að glasið er opnað.

Ef skammtur gleymist:
Láttu lækni vita. Ekki taka tvo skammta í einu.

Hvernig á að hætta töku lyfsins:
Ekki hætta töku lyfsins nema í samráði við lækni.

Ef tekinn er of stór skammtur:
Hafðu strax samband við lækni, sjúkrahús eða Eitrunarmiðstöð (sími 543 2222).

Langtímanotkun:
Fylgjast þarf grannt með blóðhag og lifrarstarfsemi meðan á meðferð stendur.

---

Aukaverkanir

Algengustu aukaverkanir lyfsins eru skammtaháð áhrif á beinmerg.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Gula
Hiti, slappleiki, lystarleysi og marblettir
Lystarleysi, niðurgangur
Ofnæmisviðbrögð, útbrot og kláði
Ógleði og uppköst
Sýking, hiti, vanlíðan
Óvenjulegir marblettir

---

Milliverkanir

Það má ekki gangast undir bólusetningu með bóluefni gegn gulusótt.

Sjá öll lyf sem geta haft áhrif á

Má ekki nota með

Getur haft áhrif á

• Allopurinol Alvogen
• Asacol
• Cotrim
• Dipentum
• Eusaprim
• Febuxostat Krka
• Febuxostat Medical Valley
• Methotrexate Orion Pharma
• Methotrexate Pfizer
• Metoject
• Metojectpen
• Pentasa
• Pentasa Sachet
• Salazopyrin
• Salazopyrin EN
• Warfarin Teva

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú hafir nýlega fengið bólusetningu
• þú hafir fengið hlaupabólu, ristil eða lifrarbólgu B

Meðganga:
Lyfið eykur líkur á fósturskaða sé það notað á meðgöngu.

Brjóstagjöf:
Lyfið berst í brjóstamjólk.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Einungis sérfræðilæknar í blóðsjúkdómum mega ávísa þetta lyf.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.