Nasogen er notað við nefstíflum og miklu nefrennsli. Xýlómetazólín, virka efni lyfsins, veldur því að æðar í nefslímhúðinni dragast saman. Við þetta minnka bólgur í nefslímhúðinni og dregið er úr slímmyndun.

Lyfið er einnig notað við miðeyrnabólgu. Ef xýlómetazólín er notað lengur en 7 daga í senn eykst hætta á því að langvarandi bólga í nefslímhúð komi fram þegar notkun lyfsins er hætt.

Notkun:

• Fullorðnir og börn eldri en 10 ára: 1 úði (1 mg/ml) í hvora nös 1-3svar á dag. 
• Börn 2-10 ára: 1 úði (0,5 mg/ml) í hvora nös 1-3svar á dag. 
• Snýttu þér fyrir notkun og andaðu rólega inn um nefið um leið og lyfið er notað.

Lesið leiðbeiningar í fylgiseðli vel.