Leitaðu í Lyfjabókinni

Hér finnur þú öll skráð lyf á Íslandi sem seld eru í apótekum

Lengd >= 10mm ?
Breidd > 10mm ?
Þvermál >= 10mm ?

Lyfjaskömmtun

Lyfjaskömmtun er góður kostur fyrir þá sem taka lyf að staðaldri á ólíkum tímum dagsins eða vikunnar.

Nánar

LYFJU APPIÐ

Nú getur þú pantað lyfin þín á netinu til að flýta fyrir afgreiðslu lyfseðla. Hægt er að sækja lyfin eða fá lyfin send heim á helstu þéttbýlisstöðum landsins.

Nánar

Sínex

Sínex er saft í lausasölu sem dregur úr seigju slíms í öndunarvegi, nefi og berkjum. Sinex inniheldur 1 mg/ml af virka efninu brómhexín.

Sínex er notað til meðhöndlunar á sjúkdómum í berkjum sem orsakast af seytingu seigfljótandi slíms eins og bráð og langvinn berkjubólga, barkabólga og barka- og berkjubólga ásamt ennis og kinnholubólgu (skútubólgu). Einnig er hægt að nota lyfið við einkennum langvinnra sjúkdóma í lungum og berkjum eins og lungnateppu sjúkdómum og langvinnri berkjubólgu og berkjuskúlk. Sýkingar í öndunarfærum eru yfirleitt af völdum veirusýkinga en geta verið af völdum annara sýkla eins og bakteríusýkingar (heilsuvera.is).

Sínex er einnig ætlað til meðferðar við glæru- og tárusiggi (Sjögrens heilkenni).

Sinex er ætlað fyrir fullorðna, unglinga og börn eldri en 2ja ára. Sinex er ætlað til inntöku um munn. Nota skal mæliglasið sem fylgir lyfinu. Taka skal Sínex með eða strax eftir mat. Sínex þolist vel og má taka í lengri tíma í ákveðnum tilfellum. Ekki skal nota Sínex lengur en 7 daga í röð án samráðs við lækni.

Skammtastærðir:

  • Fullorðnir og unglingar eldri en 15 ára mega taka allt að 15 ml 3svar sinnum á dag.
  • Börn á aldrinum 10 til 15 ára mega taka 10 ml 3svar á dag.
  • Börn á aldrinum 5 til 10 ára mega taka allt að 5 ml 3svar á dag.
  • Börn á aldrinum 2 til 5 ára mega taka allt að 2 ml 3svar á dag.

Lyfið er ekki ætlað börnum yngri en 2ja ára. Ekki er þörf á því að breyta skömmtum fyrir aldraða. Eitt glas af Sinex inniheldur 180 ml af saft. Saftin er sykurlaus og hentar því einstaklingum með sykursýki.

Einstaklingar sem hafa ofnæmi fyrir virka efninu eða einhverju hjálparefnanna og börn yngri en 2 ára mega ekki nota Sinex.

Kynnið ykkur notkunarleiðbeiningar, varnaðarorð og frábendingar áður en lyfið er notað.

Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á www.serlyfjaskra.is .

Markaðsleyfishafi Laboratoria QUALIPHAR N.V./S.A. Umboðsmaður á Íslandi: Alvogen ehf.

SINE.L.A.2024.0011.01


Þetta vefsvæði byggir á Eplica

Til þess að hægt sé að virkja netspjall Lyfju þarf að veita leyfi fyrir notkun á tölfræðikökum, þar sem þær eru forsenda þess að spjallið virki rétt.

Virkja netspjall Loka