Bólusetning fyrir forgangshópa í Lyfju nálægt þér

Við fögnum því að geta bætt þjónustu okkar enn frekar við Íslendinga um allt land, með það að markmiði að bæta lífsgæði og stuðla að betri heilsu. Lyfjafræðingar og hjúkrunarfræðingar Lyfju bjóða inflúensubólusetningar fyrir einstaklinga 18 ára og eldri sem tilheyra skilgreindum forgangshópum.  Krafa er frá sóttvarnarlækni að byrjað sé að bólusetja forgangshópa en aðrir hópar munu fylgja í kjölfarið.

Forgangshópar:

• Allir einstaklingar 60 ára og eldri.
• Fullorðnir sem þjást af langvinnum hjarta-, lungna-, nýrna- og lifrarsjúkdómum, offitu, sykursýki, illkynja sjúkdómum og öðrum ónæmisbælandi sjúkdómum.
• Heilbrigðisstarfsmenn sem annast einstaklinga í áhættuhópum sem taldir eru upp hér að ofan.
• Fólk í starfstengdri áhættu vegna samsmits árlegrar inflúensu.

Athugið að barnshafandi konum er vísað í mæðravernd vegna inflúensubólusetningar.

Bókanir í inflúensubólusetningu fara fram í Noona. Við mælum með að bóka tíma fyrirfram, en einnig er hægt að mæta án tímabókunar í Lyfju Lágmúla og Smáratorgi.