Lyfju appið veitir þér aðgengi að sálfræðiþjónustu Mín líðan. 
Það eru þrjár leiðir í boði: 

1. Frítt stöðumat: Þú getur svarað stuttum spurningalista í Lyfju appinu þér að kostnaðarlausu sem hjálpar þér að ákveða næstu skref út frá þinni líðan.
   
   
2. Stutt ráðgjöf með sálfræðingi: Þú svarar ítarlegri spurningalista og færð í kjölfarið tækifæri til þess að bóka 15 mín ráðgjöf með sálfræðingi.
   
   
3. Hefðbundið fjarviðtal: Þú getur bókað 50 mínútna sálfræðiviðtal með sálfræðingi hjá Mín líðan sem fer fram í gegnum öruggan og vottaðan rafrænan fjarfundarbúnað.
   
   Mælt er með að svara stutta spurningalistanum fyrst sem gefur þér vísbendingu um hvaða þjónusta hentar þér.

Þjónustan er fyrir öll 18 ára og eldri sem vilja hlúa að sinni andlegu heilsu

Þjónustan veitir þér innsýn í þína líðan og byggt á þínum svörum eru næstu skref ráðlögð. Ekki er um greiningartól að ræða, slíkt er alltaf í höndum sálfræðinga. 
Ekki skal líta á niðurstöður úr spurningalistum úr Lyfju appi sem greiningu heldur upplýsingar fyrir sálfræðinginn þinn sem þú hittir í framhaldi. 

Ef þú klárar ekki spurningalistann geturðu haldið áfram þar sem frá var horfið næstu 7 daga. Á þessu tímabili eru svörin eingöngu sýnileg þér og ekki vistuð til notkunar af Lyfju eða Mín líðan. Þegar þú bókar stutta ráðgjöf fara svörin þín sjálfkrafa til sálfræðings Mín líðan samhliða greiðslu og bókun, og sálfræðingurinn nýtir þau til að undirbúa samtalið og meta stöðuna þína. Ef listinn er ekki kláraður innan 7 daga eyðast svörin og þarf þá að hefja nýjan lista.

Ef þú átt bókaðan tíma með sálfræðingi Mín líðan, hvort sem um 15 mínútna ráðgjöf með sálfræðingi er að ræða eða 50 mínútna hefðbundið sálfræðiviðtal þarf að láta vita með a.m.k. 24 klukkustunda fyrirvara ef breyta á tímanum. Ef viðtal er afbókað með minni fyrirvara en 24 klukkustunda eða ef þú mætir ekki í bókaðan tíma greiðir þú fyrir tímann.

Ef þú þarft að breyta tímabókun er best að hafa samband við þinn sálfræðing í gegnum tölvupóst. Ef þú lendir í vandræðum getur þú haft samband á minlidan@minlidan.is.

Þú getur valið að bóka strax viðtal hjá sálfræðingi Mín líðan. Þú velur þann tíma sem hentar þér í bókunarferlinu. Viðtalið er 50 mínútur og kostar 21.000 krónur. 

Í fría stöðumatinu eru niðurstöðurnar eingöngu sýnilegar þér og ekki vistaðar hjá Lyfju eða Mín líðan. Veljir þú ítarlega spurningalistann fyrir stuttu ráðgjöfina eru svörin send örugglega til sálfræðings hjá Mín líðan við bókun og notuð eingöngu til undirbúnings samtalinu. Lyfja hefur ekki aðgang að þínum svörum.

Við skiljum vel að plön geti breyst. Þú getur alltaf afbókað eða breytt bókuðu viðtali. Fyrir 15 mínútna ráðgjöf fer greiðsla fram við bókun og endurgreiðsla er ekki veitt, en þú getur breytt tímanum með því að hafa samband við sálfræðinginn sem tekur á móti þér fyrir kl. 16:00 daginn fyrir viðtalið. Ef þú lendir í vandræðum getur þú sent póst á minlidan@minlidan.is. Sé tíminn afbókaður með skemmri fyrirvara eða ekki mætt í bókaðan tíma er nauðsynlegt að greiða aftur fyrir bókun á 15 mínútna viðtali samkvæmt verðskrá.

Já, þú getur hætt við bókað viðtal eða breytt því. Fyrir hefðbundið 50 mínútna fjarviðtal þarf að afbóka eða breyta bókun fyrir kl. 16:00 daginn fyrir viðtalið til að forðast gjaldtöku með því að hafa beint samband við þinn sálfræðing. Sé afbókað með skemmri fyrirvara eða ekki mætt í bókaðan tíma er innheimt fullt gjald fyrir tímann.

Til að byggja upp traust og betra samband við sálfræðinginn þinn nýtist mynd yfirleitt betur en einungis hljóð svo við mælum með því að vera í mynd svo viðtalið nýtist þér sem best. Ef það er ekki mögulegt, er auðvitað í lagi að ræða saman án myndar.

Mín líðan starfar með leyfi frá embætti landlæknis og mætir sömu öryggiskröfum og önnur heilbrigðisþjónusta sem veitt er á Íslandi https://island.is/fjarheilbrigdisthjonusta.

Sálfræðingar Mín líðan eru allir löggiltir og hafa leyfi til að veita sálfræðiþjónustu í gegnum netið. Lyfju appið notast við rafræn skilríki til auðkenningar notenda. Appið hefur staðist öryggisúttekt hjá óháðum aðila og verið staðfest af embætti landlæknis. 

Sálfræðiþjónustan í Lyfju appinu er veitt af Mín líðan sálfræðistofu og fer að öllu leyti fram í gegnum fjarfundarbúnað.

Spurningalistarnir birtast í samtals viðmóti í Lyfju appinu og er byggð á aðferðafræði sálfræðinnar. Þegar þú mætir í sálfræðiviðtal er alltaf manneskja hinum megin á línunni.

Sálfræðiþjónustan er veitt af Mín líðan og er aðgengileg í gegnum Lyfju appið. Mín líðan ber faglega ábyrgð á sálfræðiþjónustunni í samræmi við lög og verklag heilbrigðisþjónustu ásamt því að starfa samkvæmt fyrirmælum landlæknis. Lyfja sér um aðgengi og umgjörð í appinu svo þú komist á einfaldan og auðveldan hátt í sálfræðiþjónustu sem hentar þér. 

Lyfja og Mín líðan deila sömu sýn: að gera faglega, gagnreynda sálfræðiþjónustu aðgengilegri. Samstarfið er niðurstaða vandaðs undirbúnings með það að markmiði að styðja við andlega heilsu landsmanna óháð búsetu.