• Bergið Headspace
  Bergið Headspace mætir ungmennum á aldrinum 12-25 ára sem glíma við vanlíðan, áföll eða aðrar áskoranir strax, án biðlista og án endurgjalds. Þjónustan er lágþröskuldaúrræði og felur í sér snemmtæka íhlutun. Með um 120 viðtölum á viku hjálpar Bergið ungmennum að takast á við erfiðleika í lífi sínu, hvort sem er vegna kvíða, þunglyndis, áfalla eða annarra áskorana.
  
  Markmið ráðgjafar er að fá aðstoð, bæta lífsgæði og auka vellíðan, draga úr
  einmannaleika og virkja styrkleika sem og að efla sjálfsmynd og sjálfstraust. www.bergid.is
  
  
• Ekki gefast upp!
  Einstaklingsmiðuð líkamsrækt fyrir börn og ungmenni á aldrinum 9–18 ára sem glíma við andlega vanlíðan, svo sem kvíða, félagsfælni, þunglyndi og aðra geðræna eða félagslega erfiðleika. Verkefnið "Ekki gefast upp" vill skapa jákvæða upplifun af hreyfingu fyrir ungmenni sem annars hafa orðið útundan í hefðbundnu íþróttastarfi vegna eineltis, neikvæðrar líkamsímyndar eða félagslegrar einangrunar, leggjum við grunn að bættum lífsgæðum þeirra, bæði í dag og til framtíðar. www.ekkigefastupp.is
  
  Markmið Ekki Gefast Upp! er að efla trú iðkenda á eigin getu og stuðla að bættri
  sjálfsmynd þeirra í gegnum hreyfingu.
  
  
• Líf Styrktarfélag
  Líf styrktarfélag kvennadeildar Landspítala hefur þann tilgang að bæta aðbúnað og þjónustu við konur og fjölskyldur þeirra á meðgöngu, í fæðingu og sængurlegu sem og kvenna sem þurfa umönnun vegna kvensjúkdóma. Í tilefni 15 ára afmælis Líf verður haldið upp á áfangann með sérstöku rannsóknarframlagi til kvennadeildarinnar og taka þátt í skemmtilegu nýsköpunar og rannsóknarverkefni með kaupum á legganga ómhermi fyrir Kvennadeild Landspítalans. Hermirinn er eins og kvengrind í laginu og nýtist sem ómetanlegt þjálfunartæki fyrir lækna og læknanema. Með ómskoðun er t.d. hægt að greina á millli misunandi breytinga eða fyrirferð í grindarholi, bæði á legi og eggjastokkum. Þannig er hægt að átta sig á umfangi ýmissa sjúkdóma, eins og legslímuflakks eða krabbameins. www.lifsspor.is
  
  
• Mente ehf
  Mente hefur til þróunar stafrænt netnámskeið fyrir einstaklinga sem vilja minnka eða hætta notkunar nikótíns, en nikótínfíkn hefur aukist gríðarlega meðal ungs fólks undanfarin ár.
  
  Verkefnið byggir á gagnreyndum aðferðum í fíknifræði, sálfræði og heilsueflingu og leggur áherslu á hagnýtar lausnir sem styðja þátttakendur í að ná varanlegum
  árangri. Námskeiðið verður aðgengilegt, sveigjanlegt og notendavænt, með
  fræðslumyndböndum, verkefnum, hagnýtum æfingum og persónulegum stuðningi. Sérstök áhersla verður lögð á ungt fólk, þar sem notkun nikótínpúða og rafrettna hefur aukist mest hjá þeim á undanförnum árum.
  
  Með þessu verkefni bjóðum við upp á aðgengilegt, faglegt og áhrifaríkt úrræði fyrir einstaklinga sem glíma við nikótínfíkn. Verkefnið:

1. Stuðlar að bættri lýðheilsu.
2. Getur lækkað heilsutengdan kostnað samfélagsins.
3. Eykur vitund og fræðslu um forvarnir.
4. Styður einstaklinga í sjálfbærri og varanlegri breytingu.
   
   

• Geðbókin
  Þrjár konur með læknismenntun og sérhæfingu í geðlækningum, koma til með að
  gefa út fræðandi og aðgengilega bók um geðheilbrigði, ætlaða almenningi. Bókin
  mun einnig nýtast sem uppflettirit, ekki endilega til að lesa í einni lotu, heldur til að glugga í ákveðna kafla eftir þörfum. Geðbókin er verkefni sem hefur mikið
  forvarnargildi og kemur til með að auka lífsgæði.
  
  Geðbókin verður fræðandi bók á mannamáli sem fjallar um helstu geðsjúkdóma,
  geðvirk lyf, meðferðir og annað sem tengist geðheilbrigði. Bókinni er ætlað að höfða til breiðs hóps lesenda, ungs fólks og þeirra sem eldri eru, aðstandenda, sjúklinga og annarra sem hafa áhuga á málefninu.

• Íþróttasamband fatlaðra & Special Olympics á Íslandi. YAP er alþjóðlegt verkefni á vegum SPOI, (Special Olympics International)
  Verkefnið felur í sér snemmtæka íhlutun í hreyfiþroska barna með innleiðingu YAP fræðslu. - Young Athlete Project. Foreldrar sem fylgst hafa með framförum barna sinna gegnum þátttöku í YAP eru líklegri til að fylgja því eftir að barnið geti tekið þátt í hreyfingu gegnum íþróttastarf þegar komið er úr leikskóla. Með markvissri hreyfiþjálfun sem snemmtækri íhlutun verður barnið mun betur undirbúið þegar fyrsta skref er tekið inn i umhverfi íþróttakennslu grunnskóla og íþróttahreyfingarinnar.
  
  
• Samvera
  Aðal markmið Samveru er að draga úr félagslegri einangrun og einmanaleika í samfélaginu með því að veita fólki á öllum aldri tækifæri til að forgangsraða tíma sínu og gefa öðrum athygli og væntumþykju. www.samvera.is
  
  
• Ljósið
  Ljósið er endurhæfingar- og stuðningsmiðstöð fyrir fólk sem hefur fengið krabbamein og aðstandendur þess. Markmið Ljóssins er að fólk fái sérhæfða endurhæfingu- og stuðning, þar sem fagfólk aðstoðar við að byggja upp líkamlegt og andlegt þrek, auk þess að fá stuðning við að setja sér markmið sem auka daglega virkni og hafa þannig áhrif á lífsgæði almennt. www.ljosid.is
  
  
• Rauði Krossinn
  Vefnámskeið í skyndihjálp og naloxone. Fræðslan er miðuð notendum, aðstandendum og þeim sem vinna með notendum en þeir hópar eru líklegastir til að verða vitni að ofskömmtun og eru í einstakri stöðu til að bregðast við. Markmiðið er því að fyrirbyggja ótímabær dauðsföll af völdum ofskömmtunar en fræðslan sjálf hefur einnig forvarnargildi. www.raudikrossinn.is
  
  
• Una Emilsdóttir sérnámslæknir í umhverfislæknisfræði.
  Framleiðsla á fræðsluerindum um Hreinar vörur til auka lífsgæði til framtíðar. Óléttar, nýbakaðar mæður og nýburar verður aðal hluti af rannsóknarefni Unu.

• Eldblóm
  Í samstarfi við Siggu Soffíu dansara munum við selja haustlaukakassa til styrktar bleiku slaufunnar í þremur stærstu verslunum Lyfju, Lágmúla, Smáralind og Smáratorg. Það eru 20 laukar hverjum kassa og ræktunarleiðbeiningar má finna á www.eldblom.is. Verðið á kassanum er 6.800 kr og allur ágóði rennur til Bleiku slaufunnar. www.eldblom.is
  
  
• Una Emilsdóttir sérnámslæknir í umhverfislæknisfræði
  Lyfja mun útbúa fræðsluerindi í samvinnu við Unu um Lífrænt og eiturefnalaust líf þá sérstaklega í tengslum við verðandi og nýbakaða foreldra, vörur og lifnaðarhætti almennt.
  
  
• Victor Guðmundsson læknir
  Victor nýtir styrkinn í grunnskóla um allt land og tala um heildræna heilsu eða "Stól lífsins" eins og hann kallar það. Grunnþættir lífsins: hreyfing, næring, svefn og andleg heilsa.

• Hjartavernd
  Landssamtök Hjartaverndar voru stofnuð árið 1964. Rannsóknarstöð Hjartaverndar hóf starfsemi sína þremur árum síðar eða árið 1967 með mjög viðtækri faraldsfræðilegri rannsókn, Hóprannsókn Hjartaverndar, þar sem áhersla er lögð á að finna helstu áhættuþætti hjarta- og æðasjúkdóma meðal Íslendinga.
  Í Hjartavernd starfa m.a. læknar, lífeindafræðingar, líffræðingar, tölfræðingar, geislafræðingar, hjúkrunarfræðingar, sjúkraliðar, móttökuritarar og fólk úr ýmsum öðrum starfsstéttum. Hægt að styrkja Hjartavernd  hér.
  
  
• Kraftur
  Stuðningsfélagið Kraftur var stofnað 1. október 1999 og hefur það að leiðarljósi að beita sameinuðum kröftum sínum til að aðstoða og styðja ungt fólk sem greinst hefur með krabbamein og aðstandendur þess. Félagið er fyrir fólk á aldrinum 18 – 40 ára sem greinst hefur með krabbamein og aðstandendur á öllum aldri alveg frá 18 ára og upp úr.

Megin markmið Krafts eru að styðja við ungt fólk sem greinst hefur með krabbamein og aðstandendur með því að halda úti jafningjastuðningi, hagsmunagæslu, öflugri fræðslu, samveru á jafningjagrunni, veita hagnýtar upplýsingar og stuðla að samvinnu félagasamtaka, heilbrigðisstarfsmanna og annarra sem koma að málefnum þeirra sem tengjast sjúkdómnum.

Nánar um Kraft: https://www.youtube.com/watch?v=hy_GeVl5Izg

• Sorgarmiðstöð
  Sorgarmiðstöð sinnir fræðslu og ráðgjöf til syrgjenda og þeirra sem vinna að velferð syrgjenda. Sorgarmiðstöð er samstarfsverkefni grasrótarfélaga á sviði sorgarúrvinnslu. Þau eru Ný dögun, Ljónshjarta og Gleym mér ei. Sorgarúrvinnsla miðar að bættri lýðheilsu með því að efla og styðja við andlega, líkamlega og félagslega heilsu fólks eftir ástvinamissi.

Nánar um Sorgarmiðstöðina: https://www.youtube.com/watch?v=NKs_0Nx3_-8

• Sofa Borða Elska
  Markmið verkefnisins er að hjálpa barnafjölskyldum að sofa betur. Mikill skortur er á þjónustu svefnráðgjafa barna á landinu, Hafdís Guðnadóttir ljósmóðir ætlar að leggja sitt af mörkum við að leysa þann vanda með því að framleiða netnámskeið og efla með því heilbrigði landsmanna.

Nánar um Sofa, Borða, Elska: https://www.youtube.com/watch?v=9PnhkW8DoS0

• Lífrænt líf
  Er heimilidarmynd sem fjallar um lífræna ræktun á Íslandi. Ísland er töluvert á eftir nágrannalöndum okkar í lífrænni ræktun.

Nánar um Lífrænt líf: https://www.youtube.com/watch?v=7u0bM_o46Hg

• Okkar heimur
  Okkar heimur er verkefni á vegum Geðhjálpar sem var sett á laggirnar vegna skorts á stuðningi og fræðslu fyrir börn foreldra með geðrænan vanda og fjölskyldur þeirra. Það er unnið í samstarfi við OurTime, góðgerðasamtök í Bretlandi sem eru leiðandi í starfi fyrir börn foreldra með geðrænan vanda þar í landi.

Nánar um Okkar heimur: https://www.youtube.com/watch?v=37QC9rDCMTg

• Þögul tár
  Þetta er önnur samfélagslega forvarnarmyndin um sjálfsvíg sem Sigurbjörg Sara framleiðir og leikstýrir. Fyrri myndin kom út árið 2015 og heitir Fellum grímuna.

Það er okkar von að í krafti fjöldans náum við að bjarga mannslífum og frumsýna myndina núna í maí 2021.

Nánar um Þögul tár: https://www.youtube.com/watch?v=f3MpZ2hp5io&t=2s

• Frú Ragnheiður - Rauði krossinn
  Með umsókn þessari er sótt um styrk fyrir heilbrigðisþjónustu og sýklalyfjahluta Frú Ragnheiðar á höfuðborgarsvæðinu svo áfram megi stuðla að þjónustu á vettvangi við jaðarsetta einstaklinga. Þjónusta á vettvangi felst í fyrsta og annars stigs forvörnum auk snemmtækrar íhlutunar til að koma í veg fyrir alvarlegri sýkingar og/eða veikindi.

Katrín Birna Jóhannesdóttir er í meistaranámi í heilbrigðisverkfræði og verkefnið sem hún mun sinna er á sviði svefnrannsókna.

Nánar um Frú Ragnheiður: https://www.youtube.com/watch?v=whmb3Lqmj98

• Minningar- og styrktarsjóðurinn Örninn
  Sjóður fyrir börn sem hafa misst foreldri eða annan náinn ástvin og fjölskyldur þeirra.
  
  
• Samhjálp
  Styrkur fer í matarhjálp og bætiefni fyrir þá sem eru í neyð.
  
  
• Íþrótta- og Ólympíusamband Íslands.
  Almenningsíþróttaverkefni svo sem Lífshlaupið, hjólað í vinnuna, kvennahlaupið og fleiri verkefni.
  
  
• Ungar athafnakonur.
  Samstarfsverkefni með geðfræðslufélagi háskólanna til að minnka líkur á kulnun  starfi.
  
  
• Píeta samtökin
  Píeta bjóða fólki í sjálfsvígshættu, með sjálfsskaða og aðstandendum þeirra sem eru í þeim vanda og þeim sem hafa misst ættingja úr sjálfsvígi upp á gjaldfrjálsa meðferð og ráðgjöf
  
  
• Hjartavernd
  GoRed- vitundarvakning um hjartasjúkdóma kvenna.
  
  
• Hjartaheill og SÍBS
  Heilsumælingar fyrir þjóðina.
  
  
• Rauði Krossinn
  Heimsóknavinir er verkefni Rauða krossins á Íslandi og snýst um að draga úr og koma í veg fyrir félagslega einangrun.
• Vímulaus æska
  Stuðningur við átak í fjölskylduráðgjöf ætlið foreldrum og börnum í vanda.
  
  
• Íþróttamiðstöð fatlaðra
  Styrkur fer í að efla sumarbúðir fyrir fatlaða.
  
  
• Hugarafl
  Styrkur fyrir útgáfu bókar um nýjar nálganir varðandi sjálfsskaða, sjálfsvígshugsanir og sjálfsvígstilraunir