Arthrotec

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Arthrotec

Opna mína lyfseðla
Bólgueyðandi lyf og gigtarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Díklófenak, MísóprostólSkráð 1. apríl 1993

Arthrotec inniheldur tvö virk efni, díklófenak og mísóprostól. Lyfið er notað við gigtarsjúkdómum og öðrum bólgusjúkdómum, einkum hjá þeim sem þurfa sérstaklega á fyrirbyggjandi meðferð að halda við sárum í maga og skeifugörn, en sárin eru tilkomin vegna bólgueyðandi gigtarlyfja. Hér er um að ræða einstaklinga sem þjást af gigtarsjúkdómi eða bólgusjúkdómi, eru eldri en 75 ára, eiga sögu um ætisár eða blæðingar í meltingarvegi. Þeir sem hafa blóðþurrðarhjartasjúkdóm skipa líka þennan flokk. Díklófenak er bólgueyðandi með verkjastillandi og hitalækkandi verkun. Díklófenak dregur úr myndun prostaglandín efna í líkamanum, en þau stuðla meðal annars að bólgumyndum. Mísóprostól er óvirkt efni sem brotnar niður í líkamanum og verður virkt afbrigði af efninu prostaglandín E1. Mísóprostól dregur úr sýrumyndun í maga, það eykur slímmyndun í maga og skeifugörn ásamt því að auka seytingu bíkarbónats í skeifugörn. Það vinnur því gegn ertandi áhrifum bólgueyðandi gigtarlyfja á maga og skeifugörn. Þá eykur mísóprostól vöðvaspennu í legi.

Tafla mg Tafla

Notkun á lyfjum

LyfjaformTöflur til inntöku.
Venjulegar skammtastærðir1 tafla 2-3svar á dag. Töflurnar gleypist heilar eftir máltíð. Hver tafla inniheldur 50 mg díklófenak og 0,2 mg mísóprostól. Töflurnar má ekki tyggja, mylja, skipta eða leysa upp í vatni.
Hversu langur tími uns verkun kemur framMismunandi eftir ástandi sjúklings.
VerkunartímiMismunandi eftir ástandi sjúklings.
Þörf á að breyta mataræði meðan lyfið er tekiðMeð því að taka lyfið inn strax eftir máltíðir er hægt að draga úr tíðni aukaverkana.
GeymslaGeymist í lokuðum umbúðum við eða undir stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómurinn getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru of stórir skammtar eða ef vart verður við einhver óvenjuleg einkenni skaltu hafa samband við lækni.
LangtímanotkunÆskilegt er að fara reglulega í eftirlit til læknis til að meta áhrif lyfsins á lifur, blóðhag og maga.

Aukaverkanir

Óþægindi frá meltingarvegi eru algengustu aukaverkanir lyfsins. Draga má úr aukaverkunum lyfsins með því að nota lyfið í eins litlum skömmtum og í eins stuttan tíma og mögulegt er.

Algengar aukaverkanir (>1%):
  • Höfuðverkur, svimi
    Leitið til læknis
  • Kviðverkir, uppþemba, vindgangur
    Leitið til læknis
  • Lystarleysi
    Leitið til læknis
  • Meltingartruflanir, hægðatregða
    Leitið til læknis
  • Ógleði, uppköst, niðurgangur
    Leitið til læknis
  • Svefnleysi
    Leitið til læknis
  • Útbrot, kláði
    Hætta notkun
Sjaldgæfar aukaverkanir (<1%):
  • Gula
    Leitið til læknis
  • Óeðlilegar blæðingar
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Hjartsláttartruflanir, hraður hjartsláttur
    Leitið strax til læknis
  • Svartar eða blóðugar hægðir, blóð í þvagi
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið ginkgo getur aukið blæðingahættu. Náttúrulyfið Jóhannesarjurt getur dregið úr virkni díklófenaks. Díklófenak getur dregið úr verkun blóðþrýstingslækkandi lyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með blæðingartilhneigingu
  • þú sért með hjartasjúkdóm eða háan blóðþrýsting
  • þú sért með langvarandi lifrar- eða nýrnasjúkdóm
  • þú sért með maga- eða skeifugarnarsár
  • þú sért með magabólgu
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • grunur leiki á um þungun eða hvort þú ráðgerir að verða þunguð
MeðgangaLyfið má ekki nota á meðgöngu vegna áhrifa þess á leg.
BrjóstagjöfLyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur skert aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið ertandi áhrif lyfsins á magaslímhúð.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.