Cibinqo

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Cibinqo

Opna mína lyfseðla
Húðlyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: AbrocitinibSkráð 9. desember 2021

Cibinqo er húðlyf notað til að meðhöndla ofnæmishúðbólgu, sem einnig er kölluð ofnæmisexem, hjá fullorðnum og unglingum 12 ára og eldri. Virka innihaldsefnið í lyfinu heitir abrocitinib og það er svokallaður kínasahemill. Abrocitinib hamlar Janus kínasa sem að tekur þátt í bólgumyndun og lyfið minnkar þannig kláða og bólgu í húð.

Tafla 50 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir100-200mg einu sinni á dag með eða án matar. Töfluna skal gleypa í heilu lagi með vatni.
Hversu langur tími uns verkun kemur framEinstaklingsbundið.
Þörf á að breyta mataræði meðan lyfið er tekiðNei.
GeymslaGeymið lyfið þar sem börn hvorki ná til né sjá.
Ef skammtur gleymistSkal taka hann um leið og þú manst eftir því, nema ef innan við 12 klst. eru í næsta skammt. Ef minna en 12 klst. eru þar til þú átt að taka næsta skammt skaltu sleppa skammtinum sem gleymst hefur og taka næsta venjulega skammtinn á réttum tíma. Ekki á að tvöfalda skammt til að bæta upp fyrir töflu sem gleymst hefur að taka.
Hvernig á að hætta töku lyfsinsÍ samráði við lækni.
Ef tekinn er of stór skammturSkal hafa strax samband við lækni, sjúkrahús eða eitrunarmiðstöð (543 2222).
LangtímanotkunEf þú hefur tekið Cibinqo í 24 vikur og án þess að neinar framfarir verði, getur verið að læknirinn ákveði að stöðva meðferðina fyrir fullt og allt.

Aukaverkanir

Eins og við á um öll lyf getur þetta lyf valdið aukaverkunum en það gerist þó ekki hjá öllum.

Algengar aukaverkanir (>1%):
  • Áblástur, ristill
    Leitið til læknis
  • Höfuðverkur
    Leitið til læknis
  • Kviðverkir, ógleði, uppköst
    Leitið til læknis
  • Sundl
    Leitið til læknis
  • Þrymlabólur
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með hjartasjúkdóm
  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú eigir sögu um blóðtappa
  • þú reykir
  • þú takir einhver önnur lyf
  • þú sért með einhverja sýkingu
  • þú sért með lifrarsjúkdóm
  • þú hafir fengið hlaupabólu, ristil eða lifrarbólgu B
  • þú sért með eða hefur verið með krabbamein
MeðgangaLyfið má ekki nota á meðgöngu. Cibinqo getur skert frjósemi tímabundið hjá konum á barneignaraldri. Þessi áhrif ganga til baka þegar meðferð er hætt.
BrjóstagjöfLyfið má ekki nota við brjóstagjöf.
BörnLyfið er ekki ætlað börnum yngri en 12 ára.
Eldra fólkÞeir sem eru 65 ára og eldri geta verið í aukinni hættu að fá sýkingar, hjartaáfall og sumar tegundir krabbameins.
AksturLyfið hefur ekki áhrif á hæfni til aksturs.
AnnaðEinungis sérfræðingar í ofnæmis- og lungnasjúkdómum og í húðsjúkdómum megar ávísa lyfinu.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.