Clozapin Medical

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Clozapin Medical

Opna mína lyfseðla
Sefandi lyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: KlózapínSkráð 1. júní 2015

Clozapin Medical inniheldur virka efnið klózapín. Klózapín var fyrsta lyfið sem kom fram í nýjum flokki sefandi lyfja. Það er efnafræðilega óskylt eldri lyfjum í þessum flokki og áhrif þess á boðefnakerfi í heilanum eru frábrugðin áhrifum eldri lyfja. Klózapín hefur kröftug áhrif á flest einkenni geðklofa og veldur ekki parkinsonslíkum hreyfitruflunum sem er algeng aukaverkun sefandi lyfja. Meðferð er aðeins hafin undir eftirliti á sjúkrahúsi. Klózapín er notað við geðklofa þegar önnur lyf hafa ekki gagnast eða ef sjúklingur þolir ekki aukaverkanir þeirra.

Notkun á lyfjum

LyfjaformTöflur til inntöku.
Venjulegar skammtastærðir12,5-150 mg í senn 1-2svar á dag.
Hversu langur tími uns verkun kemur framUm 3 mánuðir.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu. Ef lyfið gleymist í tvo eða fleiri daga í röð skaltu hafa samband við lækni.
Hvernig á að hætta töku lyfsinsSjúkdómseinkenni geta komið fram aftur þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Ef teknir eru stórir skammtar eða vart verður við einkenni eins og sljóleika, meðvitundarleysi, krampa, óráð, ofskynjanir eða öndunarerfiðleika skal strax hafa samband við lækni.
LangtímanotkunÞyngdaraukning getur komið fram sé lyfið notað lengi. Lyfið getur valdið blóðbreytingum og skert lifrarstarfsemi. Fylgjast á með blóði og lifrarstarfsemi á meðan lyfið er notað.

Aukaverkanir

Alvarlegasta aukaverkun lyfsins er fækkun hvítra blóðkorna sem kemur fram hjá um 1-2% þeirra sjúklinga sem taka lyfið. Þessi aukaverkun er afturkræf ef notkun lyfsins hættir nógu fljótt eftir að hún kemur fram. Algengast er að þessi aukaverkun komi fram í byrjun meðferðar, eða á fyrstu 18 vikunum.

Algengar aukaverkanir (>1%):
  • Aukin svitamyndun, hiti
    Leitið til læknis
  • Hægðatregða
    Leitið til læknis
  • Háþrýstingur, lágþrýstingur og yfirlið
    Leitið til læknis
  • Höfuðverkur, skjálfti, þreyta
    Leitið til læknis
  • Hraður hjartsláttur
    Leitið til læknis
  • Hreyfingatregða
    Leitið til læknis
  • Munnþurrkur, aukin munnvatnsmyndun
    Leitið til læknis
  • Ógleði, uppköst, lystarleysi
    Leitið til læknis
  • Sljóleiki
    Leitið til læknis
  • Þokusýn
    Leitið til læknis
  • Þyngdaraukning
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Þvagteppa eða ?leki
    Leitið strax til læknis
Sjaldgæfar aukaverkanir (<1%):
  • Gula
    Leitið til læknis
  • Hjartsláttartruflanir
    Leitið strax til læknis
  • Öndunarbæling
    Leitið strax til læknis
  • Verkur í fótum, nára eða fyrir brjósti
    Leitið strax til læknis

Milliverkanir

Klózapín getur aukið sljóvgandi áhrif annarra lyfja sem og blóðþrýstingslækkandi lyfja. Náttúrulyfið Jóhannesarjurt getur dregið úr virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • Ef um astmalyf sé að ræða þarf eftirfarandi líka að koma fram:
  • Ef um stungulyf eða töflur sé að ræða þurfa eftirfarandi atriði einnig að koma fram:
  • Ef um stungulyf sé að ræða þurfa eftirfarandi atriði einnig að koma fram:
  • hvort þú sért með beinþynningu
  • hvort þú sért með gláku
  • hvort þú sért með gláku eða hækkaðan augnþrýsting
  • þú sért með hjartasjúkdóm
  • þú sért með langvarandi bólgusjúkdóm í meltingarvegi
  • hvort þú sért með eða hefur verið með sár í maga eða skeifugörn
  • grunur leiki á um þungun eða að þú sért með barn á brjósti
  • þú sért með gláku eða hækkaðan augnþrýsting
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með stækkaðan blöðruhálskirtil
  • þú hafir fengið krampa eða sért með flogaveiki
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 16 ára.
Eldra fólkAukin hætta er á aukaverkunum, minni skammtar eru oft notaðir.
AksturLyfið hefur sljóvgandi áhrif og getur dregið úr viðbragðsflýti. Ekki aka bíl fyrr en reynsla er komin á það hvaða áhrif lyfið hefur.
ÁfengiGetur aukið sljóvgandi áhrif lyfsins. Ekki neyta áfengis meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.