Corsodyl

Klórhexidín er sýkladrepandi. Það er notað sem munnskol við tannholdsbólgu, til að hamla tannsteinsmyndun og til að koma í veg fyrir sýkingar við aðgerðir í munni. Munnskolið hefur einnig notagildi við munnangri og til tannhreinsunar þegar vandkvæði eru á tannburstun. Hlaupið er notað til að koma í veg fyrir tannsteinsmyndun og tannholdsbólgu.

---

Notkun á lyfi

Lyfjaform:
Munnskol og hlaup.

Venjulegar skammtastærðir:
Munnskol: 10 ml 1 mín. í senn 2svar á dag. Hlaup: Notað til tannburstunar 1-2svar á dag.

Hversu langur tími líður uns verkun kemur fram:
Lyfið byrjar strax að virka, en nokkur tími getur liðið áður en tannholdsbólga eða munnangur hverfa.

Verkunartími:
Verkun varir í nokkrar klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Lyfið er venjulega ekki notað að staðaldri.

Hvernig á að hætta töku lyfsins:
Ef lyfið er notað við munnangri, tannsteinsmyndun eða tannholdsbólgu má hætta notkun þess hvenær sem hentar.

Ef tekinn er of stór skammtur:
Stórir skammtar útvortis ættu ekki að skapa vanda.

Langtímanotkun:
Lyfið er ekki ætlað til langtímanotkunar.

---

Aukaverkanir

Brúnir blettir á tönnum hverfa oftast af sjálfu sér þegar notkun lyfsins lýkur. Ef þeir hverfa ekki getur tannlæknir náð þeim af. Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Breytt bragðskyn, sviðatilfinning í tungu
Brúnir blettir á tungu eða tönnum
Erting eða bólga í tannholdi

---

Milliverkanir

Ákveðin hreinsiefni geta dregið úr áhrifum lyfsins.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun
• þú sért með ofnæmi fyrir virka efninu eða einhverju hjálparefnanna

Meðganga:
Engin þekkt áhætta er af staðbundinni notkun lyfsins meðan á meðgöngu stendur.

Brjóstagjöf:
Engin þekkt áhætta er af notkun lyfsins samhliða brjóstagjöf.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Áfengi hefur ekki áhrif á verkun lyfsins.

Íþróttir:
Inniheldur alkóhól. Notkun lyfsins er bönnuð í sumum íþróttagreinum.

Annað:
Lyfið má ekki berast í augu eða eyru.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.