Depotesto

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Depotesto

Opna mína lyfseðla
Karlhormón

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TestósterónSkráð 16. maí 2024

Testósterón er karlhormón. Það myndast í mestu magni í eistum karla en líka í litlu magni í eggjastokkum kvenna og nýrnahettum hjá báðum kynjum. Hormónið hefur áhrif á líkamsbyggingu, kynfæri, fitudreifingu, efnaskipti og hárvöxt en hefur auk þess vefjauppbyggjandi verkun. Depotesto er gefið karlmönnum ef lítið eða ekkert myndast af því í líkamanum, t.d. vegna sjúkdóma eða erfðagalla.

Notkun á lyfjum

LyfjaformStungulyf í vöðva.
Venjulegar skammtastærðir1000 mg í senn á 10-14 vikna fresti.
Hversu langur tími uns verkun kemur framEkki að fullu þekkt.
VerkunartímiEinstaklingsbundinn.
Þörf á að breyta mataræði meðan lyfið er tekiðEngin. Lakkrís getur þó hugsanlega dregið úr áhrifum testósteróns.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEinkenni testósterónskorts koma aftur þegar notkun lyfsins lýkur. Ekki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef stórir skammtar eru notaðir eða ef vart verður við óvenjuleg einkenni skal hafa samband við lækni.
LangtímanotkunÞað þarf að taka blóðprufur og mæla styrk testósteróns í sermi reglulega. Eins þarf að fylgjast með blöðruhálskirtli og brjóstum.

Aukaverkanir

Aukaverkanir lyfsins stafa allar af almennum áhrifum karlhormóna, þær eru háðar skömmtum og meðferðarlengd. Algengasta aukaverkunin er verkur á stungustað.

Algengar aukaverkanir (>1%):
  • Erting á stungustað
    Leitið til læknis
  • Feitari húð, þrymlabólur
    Leitið til læknis
  • Þyngdaraukning
    Leitið til læknis
Sjaldgæfar aukaverkanir (<1%):
  • Aukin svitamyndun
    Leitið til læknis
  • Brjóstastækkun, eymsli í brjóstum
    Leitið til læknis
  • Höfuðverkur, sundl
    Leitið til læknis
  • Niðurgangur, ógleði
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið til læknis
  • Verkur í eistum, truflun á starfssemi blöðruhálskirtils
    Leitið til læknis

Milliverkanir

Testósterón getur aukið áhrif blóðþynnandi lyfja. Ekki er ráðlagt að gefa testósterón samhliða barksterum þar sem það eykur líkur á bjúgmyndun. Notkun andrógena (testósteróns) getur minnkað insúlínþörf hjá sykursjúkum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með flogaveiki
  • þú sért með mígreni
  • þú sért með ofnæmi fyrir virka efninu eða einhverju hjálparefnanna
  • þú sért með sjúkdóm í blöðruhálskirtli
  • þú sért með sykursýki
  • þú takir einhver önnur lyf
  • þú sért með krabbamein
  • þú sért með kæfisvefn
  • þú sért með skerta lifrar-, hjarta- eða nýrnastarfsemi
MeðgangaLyfið er ekki ætlað konum. Það getur aukið líkur á fósturskaða sé það notað á meðgöngu.
BrjóstagjöfLyfið er ekki ætlað konum.
BörnLyfið er ekki ætlað drengjum yngri en 18 ára.
Eldra fólkVenjulega ekki notað. Takmörkuð reynsla af notkun lyfsins hjá einstaklingum eldri en 65 ára.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirBannað í og utan keppni.
FíknarvandamálMisnotkun testósteróns, einkum ef of mikið er notað af lyfinu einu sér eða ásamt öðrum vefaukandi sterum (anabolic androgenic steroids), getur valdið alvarlegum heilsufarsvandamálum sem varða hjarta og æðar (getur verið banvænt), geðheilsu og/eða lifur. Einstaklingar sem hafa misnotað testósterón geta orðið háðir lyfinu og fundið fyrir fráhvarfseinkennum ef skömmtun breytist umtalsvert eða hættir skyndilega.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.