Desirett

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Desirett

Opna mína lyfseðla
Getnaðarvörn

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: DesógestrelSkráð 1. mars 2020

Desirett er getnaðarvörn. Lyfið inniheldur virka efnið desógestrel sem er hormón sem hefur sömu áhrif á líkamann og kvenhormónið prógesterón. Lyfið hentar helst konum sem eru með barn á brjósti og er gjarnan kallað brjóstapillan eða mínípillan. Desógestrel hindrar egglos og veldur líka breytingum á slímhúð legsins á þá leið að frjóvguð eggfruma nær síður að hreiðra þar um sig. Slímið í leghálsinum þykknar og sáðfrumur komast fyrir vikið ekki greiðlega upp leghálsinn.

Tafla 75 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðirFyrsta taflan er tekin á fyrsta degi tíðablæðinga og síðan er ein tafla tekin daglega, helst alltaf á sama tíma dags. Töflurnar gleypist heilar með vatnsglasi. Hver tafla inniheldur 75 míkrógrömm desógestrel.
Hversu langur tími uns verkun kemur framLyfið veitir örugga getnaðarvörn strax frá fyrsta degi ef töflurnar eru teknar samkvæmt leiðbeiningum.
VerkunartímiLyfið veitir örugga getnaðarvörn á meðan það er tekið samkvæmt leiðbeiningum.
Þörf á að breyta mataræði meðan lyfið er tekiðEngin. Samsettar getnaðarvarnatöflur geta þó hindrað útskilnað koffeins úr líkamanum. Æskilegt er að draga úr koffeinneyslu á meðan lyfið er tekið.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistGleymist að taka töflu þá er best að taka töfluna strax og munað er eftir henni. Næsta tafla er svo tekin á venjulegum tíma. Líði fleiri en 12 klst frá því þú áttir að taka töfluna þá er getnaðarvörnin ekki lengur örugg. Aðra getnaðarvörn þarf þá að nota samtímis töflunum næstu 7 dagana. Ef gleymist að taka töflu í fyrstu vikunni eftir að inntaka á Desirett hófst og þú hafði samfarir í vikunni áður en töflutaka gleymdist skal hafa hugsanlega þungun í huga. Sjá nánar í leiðbeiningum sem fylgja lyfinu.
Hvernig á að hætta töku lyfsinsHætta má töku getnaðarvarnalyfja hvenær sem hentar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru stórir skammtar eða ef vart verður við óvenjuleg einkenni skal hafa samband við lækni.
LangtímanotkunÁn vandkvæða en ráðlegt er að fara reglulega í skoðun. Ákveðið nánar í samráði við lækni.

Aukaverkanir

Algengasta aukaverkun lyfsins er blæðingaróregla. Eftir 2ja mánaða meðferð hefur tilhneyging til blæðinga minnkað.

Algengar aukaverkanir (>1%):
  • Bólur í húð
    Leitið til læknis
  • Eymsli í brjóstum
    Leitið til læknis
  • Minnkuð kynhvöt
    Leitið til læknis
  • Ógleði, höfuðverkur
    Leitið til læknis
  • Óreglulegar tíðablæðingar
    Leitið til læknis
  • Skapgerðarbreytingar
    Leitið til læknis
  • Þyngdaraukning
    Leitið til læknis
Sjaldgæfar aukaverkanir (<1%):
  • Ofsakláði
    Leitið strax til læknis
  • Bólga eða verkir í fótum eða nára, verkur fyrir brjósti
    Leitið strax til læknis
  • Bólga í andliti, vörum eða hálsi og öndunarerfiðleikar
    Leitið strax til læknis

Milliverkanir

Jóhannesarjurt, ginseng og lyf og náttúruvörur sem örva lifrarensím geta minnkað virkni lyfsins. Auk þess geta getnaðarvarnartöflur minnkað sykurþol og aukið þörf sykursjúkra einstaklinga fyrir insúlín eða önnur sykursýkislyf.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með flogaveiki
  • þú sért með hjarta- eða æðasjúkdóm
  • þú sért með lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú eigir sögu um blóðtappa
  • þú takir einhver önnur lyf
  • þú sért með blæðingar frá fæðingarvegi af óþekktum ástæðum
  • þú hafir sögu um brjóstakrabbamein eða illkynja æxli
  • þú sért með ofnæmi fyrir hnetum og soja
MeðgangaLyfið á ekki að nota á meðgöngu. Takmörkuð reynsla er af notkun lyfsins hjá þunguðum konum. Hætta á því að lyfið hafi áhrif á fóstur er þó talin hverfandi í þeim skömmtum sem það er notað.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkLyfið er eingöngu ætlað konum á barneignaraldri.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðEf uppköst eða mikill niðurgangur koma fram innan 3-4 klst. frá töflutöku skal fylgja sömu viðmiðunarreglum og ef töflur gleymast.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.