Differin

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Differin

Opna mína lyfseðla
Lyf við bólum

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: AdapalenSkráð 1. júlí 2001

Virka innihaldsefnið í Differin, adaplen, er A-vítamín líkt efni. Það er notað við vægum eða frekar slæmum bólum (acne) þar sem fílapenslar, litlar bólur og graftarbólur eru áberandi.

Notkun á lyfjum

LyfjaformÚtvortis hlaup.
Venjulegar skammtastærðirHlaupið er borið á hreina og þurra húð í þunnu lagi daglega að kvöldi til.
Hversu langur tími uns verkun kemur framÞað geta liðið allt að 8-12 vikur þar til meðferðin fer að bera árangur.
VerkunartímiNákvæmur verkunartími lyfsins er ekki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við eða undir stofuhita þar sem börn hvorki ná til né sjá. Lyfið má ekki geyma í kæli og það má ekki frjósa.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotkun lyfsins er hætt þegar sjúklingur er orðinn einkennalaus, eða samkvæmt læknisráði.
Ef tekinn er of stór skammturStórir skammtar geta valdið roða í húð og hún flagnað af við ofskömmtun. Skolaðu lyfið af húðinni. Ef þessi einkenni eru mikil skaltu hafa samband við lækni.
LangtímanotkunÆtti ekki að vera vandkvæðum háð fyrir utan hættu á aukaverkunum.

Aukaverkanir

Aukaverkanir hverfa þegar notkun lyfsins er hætt. Áhrif lyfsins verða hvorki meiri né koma fyrr fram sé lyfið notað í meira magni.

Algengar aukaverkanir (>1%):
  • Brunatilfinning
    Leitið til læknis
  • Kláði, roði, þurrkur, flögnun
    Leitið til læknis
Sjaldgæfar aukaverkanir (<1%):
  • Aukning gelgjubóla
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með exem eða aðra húðsjúkdóma
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins á meðgöngu.
BrjóstagjöfLyfið má nota samhliða brjóstagjöf.
BörnLyfið er ekki ætlað börnum yngri en 12 ára.
Eldra fólkLyfið er venjulega ekki notað.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirLeyft við æfingar og í keppni.
AnnaðForðastu sterkt sólarljós og útfjólubláa geisla á meðan lyfið er notað. Varastu að lyfið berist í augu, nef, munn og slímhúðir.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.