Doloproct

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Doloproct

Opna mína lyfseðla
Æðaverndandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Benzýlalkóhól, Flúókortólón, Lídókaín_Skráð 1. janúar 1991

Doloproct endaþarmsstílar innihalda tvö virk efni, flúókortólón og lídókaín. Endaþarmskremið inniheldur auk þeirra benzýlalkóhól. Flúókortólón dregur úr bólgum og kláða og hefur almennt sömu áhrif og svokallaðir sykursterar sem myndast í nýrnaberki. Þegar lyfið er notað staðbundið hefur það kröftuga bólgueyðandi verkun og dregur úr bjúg, auknu blóðflæði og kláða sem fylgir gyllinæð. Lídókaín er staðdeyfandi efni. Sé það borið á húð hindrar það taugaboð að berast frá skynfrumum undir húðinni, og dregur með þessu móti úr sársauka. Doloproct er notað við gyllinæð, endaþarmsbólgum og endaþarmsexemi.

Notkun á lyfjum

LyfjaformEndaþarmsstílar og -krem.
Venjulegar skammtastærðir1 stíll í endaþarm 1-2svar á dag. Kremið er borið á í þunnu lagi 2svar á dag.
Hversu langur tími uns verkun kemur framLyfið byrjar fljótt að verka en nokkrir dagar geta liðið þangað til einkennin hverfa.
VerkunartímiUm 1 sólarhringur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Eftir að umbúðir hafa verið opnaðar endist lyfið í 4 vikur.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsHætta má notkun lyfsins þegar einkenni eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru stórir skammtar eða ef vart verður við einhver óvenjuleg einkenni skal hafa samband við lækni eða eitrunarmiðstöð (sími 543-2222).
LangtímanotkunLyfið er aðeins notað í skamman tíma í senn. Langtímanotkun, lengri en í 4 vikur, getur leitt til húðþynningar.

Aukaverkanir

Aukaverkanir eru sjaldgæfar við venjulega notkun lyfsins í stuttan tíma.

Sjaldgæfar aukaverkanir (<1%):
  • Húðþynning (við langvarandi notkun)
    Leitið til læknis
  • Útbrot og mikill kláði
    Leitið til læknis

Milliverkanir

Látið lækninn vita ef þú tekur lyf við hjartsláttartruflunum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaEkki eru til fullnægjandi upplýsingar um notkun lyfsins á meðgöngu. Lyfið á ekki að nota á fyrsta þriðjungi meðgöngu.
BrjóstagjöfLyfið berst í brjóstamjólk en í venjulegum skömmtum er ólíklegt að það hafi áhrif á barnið.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins.
ÍþróttirBannað í keppni.
AnnaðInnihaldsefni Doloprocts geta haft áhrif á latex vörur eins og smokka og minnkað virkni þeirra.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.