Elidel

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Elidel

Opna mína lyfseðla
Önnur húðlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: PímekrólímusSkráð 1. nóvember 2002

Elidel er ætlað til útvortis og staðbundinnar notkunar við bráðaofnæmishúðbólgu. Pímekrólímus, virka efnið í lyfinu, bælir myndun efna sem framkalla bólgur. Aftur á móti hefur það litla möguleika á því að bæla ónæmiskerfið, staðbundið og almennt. Öfugt við barkstera veldur pímekrólímus ekki húðrýrnun.

Notkun á lyfjum

LyfjaformÚtvortis krem.
Venjulegar skammtastærðirBorið á sjúkt svæði 2svar á dag í þunnu lagi.
Hversu langur tími uns verkun kemur framMisjafnt eftir ástandi sjúklings.
VerkunartímiMisjafn eftir ástandi sjúklings.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Lyfið má ekki frjósa.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsNotaðu lyfið svo lengi sem læknir segir fyrir um. Meðferð skal haldið áfram þar til einkenni eru horfin. Einkenni sjúkdómsins geta aftur komið fram þegar notkun lyfsins er hætt.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef notaðir eru mjög stórir skammtar, ef barn notar lyfið eða ef vart verður við einhver óvenjuleg einkenni skal hafa samband við lækni.
LangtímanotkunEkki er komin nægjanlega mikil reynsla á langtímanotkun lyfsins. Rannsóknir hafa þó sýnt að pímekrólímus veldur síður húðrýrnun en barksterar.

Aukaverkanir

Algengustu aukaverkanir lyfsins hafa verið viðbrögð á meðferðarstað. Þær gera yfirleitt vart við sig snemma á meðferðartíma og eru flestar vægar og skammvinnar.

Algengar aukaverkanir (>1%):
  • Erting, kláði og roði í húð
    Leitið til læknis
  • Sviði og hiti á meðferðarstað
    Leitið til læknis
  • Sýking í húð
    Leitið til læknis
Sjaldgæfar aukaverkanir (<1%):
  • Áblástur, ristill
    Leitið til læknis
  • Verkir og náladofi á meðferðarstað
    Leitið til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Samtímis notkun annarra staðbundinna bólgueyðandi lyfja, þar með talda barkstera, hefur ekki verið rannsökuð og því á ekki að nota pímekrólímus samhliða þessum lyfjum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með bráða veirusýkingu í húð (áblástur, hlaupabólu)
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnVenjulegar skammtastærðir. Lyfið er ekki ætlað börnum yngri en 2ja ára.
Eldra fólkTakmörkuð reynsla er af notkun lyfsins hjá eldra fólki.
AksturLyfið hefur ekki áhrif á aksturshæfni.
ÁfengiÁfengi hefur ekki áhrif á verkun lyfsins. Lyfið getur valdið áfengisóþoli sem lýsir sér sem andlitsroði og húðerting eftir neyslu áfengis.
ÍþróttirLeyft við æfingar og í keppni.
AnnaðÁ meðan pímekrólímus er notað skal forðast sól. Nota skal sólarvörn og hylja húðina með hentugum fatnaði.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.