Elvanse Adult

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Elvanse Adult

Opna mína lyfseðla
Örvandi lyf og lyf sem efla heilastarfsemi

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: LisdexamfetaminSkráð 1. júní 2018

Elvanse Adult inniheldur virka efnið lísdexamfetamín og er notað í meðferð við athyglisbresti með ofvirkni (ADHD) hjá fullorðnum. Lyfið er hluti af alhliða meðferðaráætlun við ADHD. Áhrif lyfsins eru fyrst og fremst á miðtaugakerfið þar sem það eykur athygli, einbeitingu og sjálfstraust, en minnkar þreytutilfinningu. Vellíðan og aukin afköst fylgja oft töku lyfsins. Elvanse Adult er langverkandi lyf sem virkar smám saman á 14 klukkustunda tímabili.

Tafla 20 mg Hylki

Notkun á lyfjum

LyfjaformHylki til inntöku.
Venjulegar skammtastærðirAlgengur upphafsskammtur er 30 mg á dag. Hámarksskammtur er 70 mg á dag. Hylkin tekin inn að morgni, með vatnsglasi. Ef þú getur ekki eða átt erfitt með að gleypa hylki getur þú opnað hylkið og tæmt innihaldið í mjúka fæðu eins og jógúrt eða blandað við vatn eða appelsínusafa. Lyfið skal taka inn strax eftir blöndun, ekki geyma það.
Hversu langur tími uns verkun kemur framGetur verið einstaklingsbundið.
VerkunartímiUm eða að minnsta kosti 14 klukkustundir.
Þörf á að breyta mataræði meðan lyfið er tekiðLyfið má taka með eða án matar. Próteinríkt fæði og matvæli sem hafa áhrif á sýrustig þvags geta haft áhrif á verkun lyfsins.
GeymslaGeymið þar sem börn ná hvorki til né sjá.
Ef skammtur gleymistEkki á að tvöfalda skammt til að bæta upp skammt sem hefur gleymst. Ef þú gleymir skammti skaltu bíða til næsta dags. Forðastu að taka lyfið síðdegis vegna möguleika á svefntruflunum (svefnleysi).
Hvernig á að hætta töku lyfsinsEf þú hættir að taka lyfið geta ADHD-einkenni komið aftur. Ekki hætta að taka lyfið án samráðs við lækninn. Þú skalt ekki hætta skyndilega að taka lyfið á eigin spýtur.
Ef tekinn er of stór skammturEf þú tekur of mikið af lyfinu skaltu ræða við lækni eða hringja strax á sjúkrabíl sími: 112. Segðu þeim hversu mikið þú tókst.
LangtímanotkunLyfið gæti verið notað til lengri tíma. Fylgjast skal reglulega með ávinningi meðferðarinnar. Læknir gæti stöðvað meðferð í stuttan tíma til að meta hvort þú þurfir enn lyfið.

Aukaverkanir

Algengustu aukaverkanir hjá fullorðnum eru minnkuð matarlyst, svefnleysi, munnþurrkur eða höfuðverkur.

Algengar aukaverkanir (>1%):
  • Æsingur, kvíði, skjálfti, sundl
    Leitið til læknis
  • Geðsveiflur
    Leitið til læknis
  • Hár blóðþrýstingur
    Leitið til læknis
  • Höfuðverkur
    Leitið til læknis
  • Lystarleysi, þyngdartap
    Leitið til læknis
  • Minnkuð kynhvöt
    Leitið til læknis
  • Munnþurrkur
    Leitið til læknis
  • Ógleði, niðurgangur og hægðatregða
    Leitið til læknis
  • Svefnleysi
    Leitið til læknis
  • Brjóstverkur, hjartsláttarónot, hraður hjartsláttur
    Leitið strax til læknis
Sjaldgæfar aukaverkanir (<1%):
  • Þunglyndi
    Leitið til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Lyf sem geta haft áhrif á sýrustig þvagsins, til dæmis tíazíð-þvagræsilyf og C-vítamín (askorbínsýra) eða natríumbíkarbónat (til dæmis í lyfjum við meltingartruflunum) geta haft áhrif á útskilnað lyfsins. Próteinríkt fæði getur líka haft áhrif á útskilnað lyfsins. Mörg lyf geta haft áhrif á útskilnað Elvanse Adult. Listinn hér fyrir neðan er ekki tæmandi.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • hvort þú sért með gláku
  • hvort þú hafir einhvern tíma átt við geðræn vandamál að stríða
  • þú hafir einhvern tíma misnotað lyf eða áfengi
  • þú sért með háan blóðþrýsting, hjarta- eða æðasjúkdóm
  • þú sért með nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með flogaveiki eða hafir fengið flog
  • þú sért með skjaldkirtilssjúkdóm
  • grunur leiki á um þungun eða hvort þú ráðgerir að verða þunguð
  • MAO
  • spenn
MeðgangaEkki er vitað hvort Elvanse Adult hafi áhrif á ófætt barn. Þú skalt ekki nota lyfið á meðgöngu nema læknirinn hafi sérstaklega ráðlagt þér það
BrjóstagjöfKonur sem hafa barn á brjósti eiga ekki að nota Elvanse Adult.
BörnLyfið er ekki ætlað börnum.
Eldra fólkAldraðir geta verið með hægari útskilnað, því getur þurft að breyta skömmtum svo verkun verði ekki of mikil.
AksturÞú gætir fundið fyrir sundli, átt erfitt með sjónskerpu eða verið með óskýra sjón þegar þú tekur Elvanse Adult. Ekki aka bifreið ef þú finnur fyrir þessum einkennum. Hver og einn verður að leggja mat á getu sína til aksturs og starfa sem krefjast óskertrar árvekni.
ÁfengiTakmarkaðar upplýsingar liggja fyrir um hugsanlegar milliverkanir við áfengi.
ÍþróttirBannað í keppni. Lyfið getur gefið jákvæða niðurstöðu á lyfjaprófi. Þetta á við um próf sem notuð eru í íþróttum.
FíknarvandamálLyfið getur komið fram á fíkniefnaprófum. Lyfið hentar ekki fyrir einstaklinga með sögu um fíknisjúkdóma.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.