EpiPen

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

EpiPen

Opna mína lyfseðla
Hjartasjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: AdrenalínSkráð 1. janúar 1998

Adrenalín er efni sem er framleitt í nýrnahettum líkamans. Við áreynslu eða streitu losnar aukið magn af þessu boðefni og við finnum fyrir einkennum eins og hröðum hjartslætti, svita, ógleði, svima, erfiðleikum við öndun o.s.frv. Adrenalín er notað sem neyðarmeðferð við bráðaofnæmi hjá einstaklingum með sögu um eða þekkta áhættu fyrir ofnæmi. Bráðaofnæmi getur komið til vegna fæðu, lyfja, áreynslu, skordýrabits og ýmislegs annars. Adrenalín hefur æðaþrengjandi áhrif, það vegur því upp á móti æðavíkkuninni sem getur leitt til blóðþrýstingslækkunar við ofnæmisviðbrögð. Adrenalín veldur auk þess slökun á sléttum vöðvum í lungnaberkjum og minnkar með því öndunarerfiðleika og andþrengsli af völdum bráðaofnæmis. Auk þess dregur adrenalín úr kláða, ofsabjúg og einkennum frá meltingar- og þvagfærum vegna ofnæmislosts. Mjög mikilvægt er að nota þetta lyf rétt og fylgja notkunarleiðbeiningum til hins ýtrasta. Alltaf skal hafa samband við lækni eftir notkun lyfsins.

Notkun á lyfjum

LyfjaformStungulyf í einnota áfylltum penna í vöðva.
Venjulegar skammtastærðirFullorðnir og börn þyngri en 30 kg: Einn EpiPen skammtur (0,3 mg) er gefinn í vöðva við bráðaofnæmi. Börn 15-30 kg: Einn EpiPen Junior skammtur (0,15 mg). Annan skammt má gefa eftir 5-15 mín. Lyfinu á að dæla inn í utanvert læri (framanvert og til hliðar), í gegnum föt ef nauðsynlegt er. Mælt er með að nudda svæðið umhverfis stungustaðinn í um 10 sekúndur eftir inndælingu. Lyfið má alls ekki gefa í æð. Fylgja skal notkunarleiðbeiningum sem fylgja með lyfinu til hins ýtrasta.
Hversu langur tími uns verkun kemur framVerkun lyfsins kemur nánast strax fram við notkun.
Verkunartími10-20 mín.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við eða undir stofuhita þar sem börn hvorki ná til né sjá. Lyfið er viðkvæmt fyrir ljósi og verður því að geyma það á dimmum stað í hylkinu sem fylgir því. Lausnin í pennanum á að vera litarlaus og tær. Lyfið má ekki geyma í kæli og það má ekki frjósa.
Ef skammtur gleymistLyfið er eingöngu notað í neyð vegna bráðaofnæmis og er ekki notað að staðaldri.
Hvernig á að hætta töku lyfsinsLyfið er eingöngu notað í neyð vegna bráðaofnæmis og er ekki notað að staðaldri. Alltaf skal hafa samband við lækni eftir notkun lyfsins.
Ef tekinn er of stór skammturLeitaðu neyðarhjálpar þegar í stað. Of stórir skammtar eða röng gjöf lyfsins geta leitt til skyndilegrar hækkunar blóðþrýstings sem getur haft alvarlegar afleiðingar í för með sér.
LangtímanotkunLyfið er eingöngu notað í neyð vegna bráðaofnæmis og er ekki notað að staðaldri.

Aukaverkanir

Algengar aukaverkanir (>1%):
  • Fölvi, máttleysi
    Leitið til læknis
  • Höfuðverkur, svimi
    Leitið til læknis
  • Hraður hjartsláttur, skjálfti
    Leitið til læknis
  • Ógleði og uppköst
    Leitið til læknis
  • Óróleiki, kvíði, sviti
    Leitið til læknis
  • Öndunarerfiðleikar, hjartsláttartruflanir
    Leitið strax til læknis

Milliverkanir

Adrenalín er venjulega gefið með mikilli varúð sjúklingum með hjartasjúkdóma. Adrenalín hemur seytingu insúlíns og hækkar því blóðsykur. Því getur reynst nauðsynlegt fyrir sykursjúka sem fá adrenalín að auka skammt af insúlíni eða öðrum sykursýkilyfjum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með háþrýsting
  • þú sért með hjarta- eða æðasjúkdóm
  • þú sért með ofvirkan skjaldkirtil
  • þú sért með skerta nýrnastarfsemi
  • þú sért með sykursýki
  • þú sért með æxli í nýrnahettum
  • þú takir einhver önnur lyf
  • þú sért með lág kalíumgildi í blóði
  • þú sért með há kalsíumgildi í blóði
  • þú sért með æxli í blöðruhálskirtli
MeðgangaTakmörkuð reynsla er af notkun lyfsins hjá þunguðum konum. Lyfið á aðeins að nota á meðgöngu ef ávinningurinn er meiri en hugsanleg áhrif á fóstur.
BrjóstagjöfÁhrif á brjóstmylking eru ólíkleg.
BörnSkammtar eru háðir líkamsþyngd.
Eldra fólkVenjulegar skammtastærðir. Viðkvæmara fyrir sumum aukaverkunum lyfsins.
AksturOfnæmisviðbrögðin sjálf og aukaverkanir lyfsins geta skert aksturshæfni. Ekki aka bíl eftir gjöf lyfsins.
ÁfengiEkki neyta áfengis meðan lyfið er notað.
ÍþróttirBannað í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.