Flúoxetín Actavis

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Flúoxetín Actavis

Opna mína lyfseðla
Geðdeyfðarlyf

Lyfseðilsskylt

Verðflokkur G/0: Lyfið er niðurgreitt og fellur inn í greiðsluþrepakerfiðVirkt innihaldsefni: FlúoxetínSkráð 1. mars 2000

Flúoxetín Actavis, sem inniheldur virka efnið flúoxetín, er geðdeyfðarlyf. Það tilheyrir frekar nýjum flokki geðdeyfðarlyfja sem hafa sérhæfð áhrif á virkni taugaboðefnisins serótóníns í heila. Talið er að breytingar á starfsemi taugafrumna sem nota þetta boðefni séu ein af orsökum geðdeyfðar. Eldri geðdeyfðarlyf eru ekki eins sérhæfð og hafa áhrif á fleiri boðefni. Flúoxetín og skyld lyf virðast hafa svipaða virkni og eldri lyfin á einkenni geðdeyfðar, þau bæta skap, auka líkamlega virkni, bæta matarlyst og auka áhuga á daglegu lífi. Nýrri lyfin hafa þó ekki eins róandi verkun og eru laus við margar alvarlegar aukaverkanir eldri lyfjanna. Einnig er minni hætta á eitrunum af völdum nýrri lyfjanna. Aftur á móti er líklegra að flúoxetín valdi einkennum eins og taugaveiklun, spennu og svefntruflunum, auk þess sem ógleði er algeng aukaverkun þess. Flúoxetín er notað við geðdeyfð, þráhyggjusýki og lotugræðgi.

Tafla 20 mg Tafla

Notkun á lyfjum

LyfjaformLausnartöflur til inntöku.
Venjulegar skammtastærðir20-60 mg á dag. Töflurnar takist heilar eða leysist upp í vatni. Má skipta þeim í tvennt.
Hversu langur tími uns verkun kemur framFyrstu áhrif koma fram eftir 1-2 vikur, full verkun næst oft ekki fyrr en eftir 4 vikur.
VerkunartímiLyfið er til staðar í líkamanum í 5–6 vikur eftir að meðferð er hætt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistSlepptu skammtinum sem gleymdist og haltu áfram að taka lyfið eins og venjulega eftir það. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir hafa verið stórir skammtar eða vart verður við einhver óvenjuleg einkenni skal hafa samband við lækni.
LangtímanotkunÁn vandkvæða.

Aukaverkanir

Ógleði kemur fram hjá um 10% þeirra sem taka lyfið. Um 10-15% þeirra sem taka lyfið finna fyrir taugaveiklun og svefntruflunum í byrjun meðferðar. Algengt er að aukaverkanir í upphafi hverfi þegar meðferð er haldið áfram.

Algengar aukaverkanir (>1%):
  • Blæðingatruflanir
    Leitið til læknis
  • Breytt bragðskyn
    Leitið til læknis
  • Hiti, hrollur
    Leitið til læknis
  • Höfuðverkur, svimi, þreyta
    Leitið til læknis
  • Hraður hjartsláttur, hjartsláttarónot
    Leitið til læknis
  • Kviðverkir, hægðatregða
    Leitið til læknis
  • Meltingartruflanir, vindgangur
    Leitið til læknis
  • Minnkuð kynhvöt eða getuleysi
    Leitið til læknis
  • Munnþurrkur, aukin svitamyndun
    Leitið til læknis
  • Ógleði, uppköst, niðurgangur
    Leitið til læknis
  • Skjálfti
    Leitið til læknis
  • Taugaveiklun, óróleiki, svefntruflanir
    Leitið til læknis
  • Útbrot og mikill kláði
    Leitið til læknis
  • Þokusýn
    Leitið til læknis
  • Þyngdartap
    Leitið til læknis
Sjaldgæfar aukaverkanir (<1%):
  • Krampar
    Leitið strax til læknis
  • Ofnæmisviðbrögð, útbrot, kláði og öndunarerfiðleikar
    Leitið strax til læknis

Milliverkanir

Jóhannesarjurt og ginkgo geta haft áhrif á virkni lyfsins. Hjá sjúklingum með sykursýki getur meðferð með SSRI lyfjum haft áhrif á sykurstjórnun (blóðsykurslækkun eða blóðsykurshækkun). Nauðsynlegt getur verið að aðlaga skammta af insúlíni og/eða sykursýkilyfjum til inntöku.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með hjartasjúkdóm
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú hafir fengið krampa eða sért með flogaveiki
  • þú takir einhver önnur lyf
  • þú sért með blæðingasjúkdóm
MeðgangaEkki má nota flúoxetín á meðgöngu nema það sé talið nauðsynlegt.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur valdið svima og skert viðbragðsflýti. Ekki aka bíl fyrr en reynsla er komin á það hvaða áhrif lyfið hefur.
ÁfengiÍ litlu magni hefur áfengi ekki áhrif á lyfið eða verkun þess. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.