Imovax Polio

Mænusótt eða lömunarveiki er sjúkdómur sem orsakaður er af veiru. Í flestum tilfellum eru einkenni sjúkdómsins væg en í sumum tilfellum getur hann orsakað lömun sem getur leitt til dauða. Helstu smitleiðir veirunnar eru með saurmengun, fæðu og vökva og jafnvel úðasmiti. Imovax Polio er unnið úr dauðri mænusóttarveiru sem á að örva líkamann til þess að mynda vörn gegn veirunni án þess að fólk veikist.

---

Notkun á lyfi

Lyfjaform:
Stungulyf í vöðva eða undir húð.

Venjulegar skammtastærðir:
Fullorðnir og börn eldri en 2ja mánaða: 2 skammtar eru gefnir með 1-2ja mánaða millibili. Þriðji skammturinn er gefinn 12 mánuðum eftir fyrsta skammtinn. Gefa má fjórða skammtinn 4 árum eftir fyrstu bólusetninguna. Gefa þarf örvunarskammt á 10 ára fresti til að viðhalda bólusetningunni.

Hversu langur tími líður uns verkun kemur fram:
Full verkun fæst fljótlega eftir að búið er að gefa annan skammtinn.

Verkunartími:
Verkur helst í a.m.k. 5 ár eftir upphafsbólusetningu.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.

Ef skammtur gleymist:
Ef skammtur gleymist ber að gefa hann um leið og munað er eftir því þar sem möguleiki er að ekki hafi myndast nægilegt magn af mótefnum. Ekki má gefa tvo skammta í einu.

Hvernig á að hætta töku lyfsins:
Ekki er talið æskilegt að hætta gjöf lyfsins fyrr en allir skammtar hafa verið gefnir þar sem líkur eru á að ekki hafi myndast nægilegt magn af mótefni.

Ef tekinn er of stór skammtur:
Á ekki við.

Langtímanotkun:
Lyfið er ekki ætlað til langtímanotkunar.

---

Aukaverkanir

Aukaverkanir eru fátíðar.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Eymsli og bólga á stungustað
Hiti
Útbrot, kláði, bjúgur og öndunarerfiðleikar

---

Milliverkanir

Lyfið má gefa samtímis flestum öðrum bóluefnum. Lyfið má ekki blanda í sömu sprautu við önnur bóluefni. Ef nota á önnur bóluefni þarf að nota aðra stungustaði.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með hita eða sýkingu
• þú sért með skert ónæmiskerfi

Meðganga:
Lyfið má gefa á meðgöngu.

Brjóstagjöf:
Ekki er vitað hvort lyfið berst í brjóstamjólk. Ekki skal gefa lyfið nema brýna nauðsyn beri til.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

Annað:
Adrenalín stungulyf verður að vera til staðar ef til bráðaofnæmis eða annarra ofnæmisviðbragða kemur.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.