Levonorgestrel Norfri (Heilsa)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Levonorgestrel Norfri (Heilsa)

Opna mína lyfseðla
Getnaðarvörn

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: LevónorgestrelSkráð 1. desember 2019

Levonorgestrel Apofri er neyðargetnaðarvörn sem hægt er að nota eftir samfarir, oft kölluð "daginn eftir pillan". Levónorgestrel er samtengt hormón með sömu áhrif í líkamanum og kvenhormónið prógesterón. Levónorgestrel veldur breytingum á slímhúð legsins og frjóvguð eggfruma nær síður að hreiðra þar um sig. Leghálsslímið þykknar og sáðfrumur eiga erfitt með að komast upp leghálsinn. Lyfið kemur í veg fyrir um 85% væntanlegra þungana og er hún slakari en væri notuð venjuleg getnaðarvarnartafla. Eftir intöku Levonorgestrel getur orðið bið á næstu tíðablæðingu eða hún komið fyrr en venjulega. Levonorgestrel Apofri er aðeins hugsuð í neyðartilvikum og hún er algerlega óviðeigandi sem almenn getnaðarvörn. Lyfið á ekki að nota oftar en einu sinni innan hvers tíðahrings og er eingöngu ætlað konum með reglulegar blæðingar. Konum er ráðlagt að fara í kvenskoðun og í þungunarpróf 3 vikum eftir notkun lyfsins, hvort sem tíðablæðing hefur orðið eða ekki.

Notkun á lyfjum

LyfjaformTöflur til inntöku.
Venjulegar skammtastærðir1 tafla til inntöku sem fyrst eftir samfarir. Taflan gleypist. Því fyrr sem taflan er tekin inn því öruggari er verkunin. Skammtinn þarf að taka innan 72 klst. frá óvörðum samförum. Hvorki má taka stærri skammt né endurtaka skömmtun innan sama tíðahrings. Ef kona kastar upp innan 3ja klst. frá inntöku lyfsins er ráðlagt að taka eina töflu til viðbótar. Hver tafla inniheldur 1500 míkrógrömm levónorgestrel.
Hversu langur tími uns verkun kemur framHámarks blóðþéttni lyfsins næst eftir 1-2 klst.
Verkunartími1-2 sólarhringar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er tekið í einum skammti og einungis ætlað til notkunar í neyðartilfellum. Skammtinn þarf að taka innan 72 klst. frá óvörðum samförum.
Hvernig á að hætta töku lyfsinsLyfið er einungis ætlað til notkunar í neyðartilfellum.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef of stór skammtur af lyfinu hefur verið tekinn, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).
LangtímanotkunLyfið er aðeins ætlað til notkunar í neyðartilvikum og er algerlega óviðunandi sem almenn getnaðarvörn.

Aukaverkanir

Meira en 10% kvenna fyrir aukaverkunum af völdum lyfsins.

Algengar aukaverkanir (>1%):
  • Blæðingatruflanir
    Leitið til læknis
  • Eymsli og verkir í brjóstum
    Leitið til læknis
  • Höfuðverkur, svimi
    Leitið til læknis
  • Kviðverkir, niðurgangur
    Leitið til læknis
  • Ógleði og uppköst
    Leitið til læknis
  • Þreyta
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Jóhannesarjurt og ginseng geta haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með bólgusjúkdóm í þörmum
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú sért með sykursýki
  • þú takir einhver önnur lyf
  • þú hefur sögu um utanlegsfóstur
MeðgangaLyfið á ekki að nota á meðgöngu. Takmörkuð reynsla er af notkun lyfsins hjá þunguðum konum. Hætta á því að lyfið hafi áhrif á fóstur er þó talin hverfandi í þeim skömmtum sem það er notað.
BrjóstagjöfLyfið berst í brjóstamjólk. Brjóstagjöf skal fara fram rétt fyrir inntöku lyfsins og bíða í a.m.k. 8 klst. með frekari brjóstagjöf. Brjóstin eru tæmd með brjóstapumpu, 8 klst eftir töku lyfsins.
BörnLyfið er ekki ætlað börnum.
Eldra fólkLyfið er eingöngu ætlað konum á barneignaraldri.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.