Melatonin Vitabalans (Heilsa)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Melatonin Vitabalans (Heilsa)

Opna mína lyfseðla
Svefnlyf og róandi lyf

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MelatónínSkráð 1. mars 2019

Melatonin Vitabalans er svefnlyf sem inniheldur virka innihaldsefnið melatónín. Lyfið er notað sem skammtímameðferð við flugþreytu vegna ferðalags yfir nokkur tímabelti. Melatónín er hormón sem líkaminn myndar í heilaköngli. Áhrif þess eykst þegar dimmt er orðið og nær hámarki um miðja nótt, eða um kl. 2-4 eftir miðnætti og minnkar svo þegar birta tekur. Þannig tekur melatónín þátt í því að stilla okkar eðlislægu klukku sem veldur því að okkur syfjar á kvöldin og við erum vakandi á daginn. Með aldrinum minnkar framleiðsla á melatóníni. Melatónín getur bætt svefngæði, stytt biðtíma eftir svefni og dregið úr fjölda vöknunartilvika.

Notkun á lyfjum

LyfjaformTöflur til inntöku.
Venjulegar skammtastærðir3-5 mg fyrir svefn á staðartíma og í að hámarki 4 daga.
Hversu langur tími uns verkun kemur fram15-90 mín.
VerkunartímiEinstaklingsbundinn en úthreinsun virka efnisins er lokin innan 12 klst. eftir inntöku.
Þörf á að breyta mataræði meðan lyfið er tekiðEngin, en ekki ráðlagt að neita fæðu um 2 klst. fyrir og eftir inntöku lyfsins.
GeymslaGeymist í lokuðum umbúðum, varið gegn ljósi, við stofuhita þar sem börn hvorki ná til né sjá.
Ef skammtur gleymistEf þú sofnar án þess að taka lyfið skaltu sleppa skammti.
Hvernig á að hætta töku lyfsinsHætta má töku lyfsins þegar ekki er lengur þörf fyrir það. Lyfið tekið í að hámarki 4 daga í senn.
Ef tekinn er of stór skammturEf of stór skammtur af lyfinu hefur verið tekinn, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222). Stakir skammtar sem eru litlu stærri en venjulega ættu ekki að valda óþægindum.
LangtímanotkunLyfið er ekki ætlað til langtímanotkunar.

Aukaverkanir

Aukaverkanir lyfsins eru sjaldgæfar. Mögulegar aukaverkanir í tengslum við skammtíma notkun við flugþreytu eru höfuðverkur, ógleði, lystarleysi, sundl, dagsyfja og vistarfirring (að vera illa áttaður).

Sjaldgæfar aukaverkanir (<1%):
  • Gula
    Leitið til læknis
  • Höfuðverkur, bakverkur
    Leitið til læknis
  • Meltingartruflanir, ógleði, kviðverkir
    Leitið til læknis
  • Þróttleysi
    Leitið til læknis
  • Hiti, slappleiki, lystarleysi og marblettir
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Sígarettureykingar geta minnkað styrk melatóníns.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir einhverjum lyfjum
  • þú sért með skerta lifrar- eða nýrnastarfsemi
  • þú takir einhver önnur lyf
  • þú sért með sjálfsnæmissjúkdóm
MeðgangaTakmörkuð reynsla er af notkun lyfsins hjá þunguðum konum.
BrjóstagjöfTalið er að lyfið geti borist í brjóstamjólk. Konur með barn á brjósti eiga því ekki að nota lyfið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturEkki aka bifreið eftir að þú hefur tekið melatonin. Lyfið getur valdið syfju og minnkað árverkni í nokkrar klukkustundir eftir töku lyfins.
ÁfengiEkki neyta áfengis á meðan lyfið er tekið þar sem áfengi dregur úr virkni lyfsins á svefn.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.