Modafinil Bluefish

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Modafinil Bluefish

Opna mína lyfseðla
Örvandi lyf og lyf sem efla heilastarfsemi

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: MódafínílSkráð 1. nóvember 2015

Modafinil Bluefish inniheldur virka efnið módafíníl. Lyfið er notað við svefnflogum með eða án máttleysiskasta. Svefnflog er það þegar fólk á í erfiðleikum með að halda sér vakandi að degi til án þekktrar undirliggjandi orsakar og sofnar jafnvel hvenær sem er eða hvar sem er. Virkni módafíníls virðist að hluta tengd sértækri örvun á adrenvirkum taugaboðum í heila. Með því að örva þessi taugaboð í heila eykur það eftirtekt og auðveldar mönnum að halda sér vakandi að degi til. Þar sem módafíníl hefur mjög sértæka örvun á adrenvirk taugaboð hefur það ekki áhrif á hjarta og æðakerfi og fólk virðist ekki verða vart við vanabindingu af lyfinu.

Tafla 100 mg Tafla

Notkun á lyfjum

LyfjaformTöflur til inntöku.
Venjulegar skammtastærðir200-400 mg á dag í 1-2 skömmtum.
Hversu langur tími uns verkun kemur framMisjafnt eftir ástandi sjúklings. Hámarksblóðþéttni næst eftir 2-3 klst.
VerkunartímiEkki að fullu þekktur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsTaktu lyfið svo lengi sem læknir segir fyrir um. Einkenni sjúkdómsins geta aftur komið fram þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef barn notar lyfið eða ef vart verður við einhver óvenjuleg einkenni skal hafa samband við lækni. Helsta einkenni ofskömmtunar er svefnleysi. Hafið strax samband við lækni ef vart verður við þetta einkenni.
LangtímanotkunEngin þekkt vandamál.

Aukaverkanir

Sjaldan þarf að hætta meðferð vegna algengra aukaverkana því þær hverfa oftast smám saman við sömu eða minni skammta.

Algengar aukaverkanir (>1%):
  • Æsingur og skyndileg árásargirni
    Leitið til læknis
  • Lystarleysi
    Leitið til læknis
  • Tímabundinn órói
    Leitið til læknis
  • Svefnleysi
    Leitið strax til læknis
Sjaldgæfar aukaverkanir (<1%):
  • Hreyfitregða í vanga og andliti
    Leitið strax til læknis
  • Kláði í húð
    Leitið strax til læknis

Milliverkanir

Getur haft áhrif getnaðarvarnartöflur sem innhalda lítið magn estrógen/gestagens. Nota þarf aðrar getnaðarvarnir meðan lyfið er tekið eða breyta yfir í aðra tegund af pillunni sem innheldur meira magn af hormónum.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með of háan blóðþrýsting
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með mikinn kvíða
MeðgangaTakmörkuð reynsla er af notkun lyfsins hjá þunguðum konum.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum.
Eldra fólkVenjulegar skammtastærðir.
AksturLyfið getur haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiEkki neyta áfengis meðan lyfið er tekið.
ÍþróttirBannað í keppni.
AnnaðInntaka lyfsins að kvöldi getur haft truflandi áhrif á svefn.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.