Optovite B12

Optovite B12 inniheldur cýanókóbalamín og er ætlað til notkunar við B12-vítamínskorti. B12-vítamín er m.a. nauðsynlegt fyrir frumuskiptinguna. Rauðu blóðkornin eru í hópi þeirra frumna sem skipta sér hvað oftast og því veldur B12-vítamínskortur blóðleysi. Einnig er B12-vítamín nauðsynlegt fyrir nýmyndun tauga. B12-vítamínskortur getur stafað af ýmsu, eins og of lítilli myndun á sérstaks próteins (intrinsic factor), áfengissýki, mataræði snauðu af dýraafurðum (kjöti, mjólk, eggjum) í langan tíma og af langvarandi sýkingu í briskirtli. Langtímanotkun sumra lyfja getur líka aukið hættuna á B12-vítamínskorti.

---

Notkun á lyfi

Lyfjaform:
Stungulyf, gefið í vöðva eða djúpt undir húð.

Venjulegar skammtastærðir:
Algengasta skammtastærðin: 1.000 mcg á dag í 1 viku í upphafi meðferðar, þá 1.000 mcg gefið 1 sinni í viku næstu 4-8 vikur og að svo 1.000 mcg gefið mánaðarlega sem viðhaldsskammtur.

Hversu langur tími líður uns verkun kemur fram:
Einstaklingsbundið.

Verkunartími:
Einstaklingsbundið.

Þörf á að breyta mataræði meðan lyfið er tekið:
Engin.

Geymsla:
Geymið lyfið þar sem börn hvorki ná til né sjá.

Ef skammtur gleymist:
Takið næsta skammt á venjulegum tíma. Ekki á að tvöfalda skammt til að bæta upp skammt sem gleymst hefur að nota.

Hvernig á að hætta töku lyfsins:
Ekki hætta meðferð nema í samráði við lækni.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).

Langtímanotkun:
Án vandkvæða.

---

Aukaverkanir

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Ákafur niðurgangur
Erting á stungustað
Kláði og útbrot í húð
Útbrot, kláði, bjúgur og öndunarerfiðleikar
Blóðkalíumlækkun

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með taugasjúkdóm
• þú sért með skerta sjón
• þú hefur verið meðhöndlaður við risakímfrumublóðleysi
• þú hafir tilhneygingu til þess að fá þvagsýrugigt

Meðganga:
Gefa má lyfið þunguðum konum ef nauðsyn krefur. Ráðlagður dagskammtur er 4 mcg.

Brjóstagjöf:
B12-vítamín skilst út með brjóstamjólk en það má þó nota það meðan barn er á brjósti og notkun þess jafnvel ráðlögð þegar ungbarnið fær ekki nægilegt magn með brjóstamjólk. Ráðlagður skammtur fyrir ungbörn er 0,5-3 mcg á dag.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið hefur ekki áhrif á hæfni til aksturs.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.