Pneumovax

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Pneumovax

Opna mína lyfseðla
Bóluefni

Lyfseðilsskylt

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Pneumokokka mótefnavakarSkráð 1. nóvember 2008

Pneumokokkar eru bakteríur sem eru ein algengasta orsök lungnabólgu en einnig geta þær valdið heilahimnubólgu, blóðsýkingu, miðeyrnabólgu og fleiri sjúkdómum. Bólusetningar gegn pneumokokkum eru nær eingöngu framkvæmdar hjá þeim sem taldir eru vera í áhættuhópi fyrir slíkum sýkingum. Í þeim hópi eru t.d. miltislausir einstaklingar, einstaklingar með skert ónæmiskerfi, langvarandi hjarta-, lungna- og nýrnasjúkdóm, með sykursýki eða áfengissýki og fólk sem býr eða vinnur í umhverfi þar sem aukin hætta er á pneumokokkasýkingum. Pneumovax er gert úr þeim 23 tegundum pneumokokka sem algengastir eru en alls eru þeir um 80-90 talsins.

Notkun á lyfjum

LyfjaformStungulyf í vöðva eða undir húð.
Venjulegar skammtastærðirFrumbólusetning: Einn skammtur gefinn einu sinni. Endurtekin bólusetning: Þeir sem eru í áhættuhópi með að fá pneumokokkasýkingu þurfa bólusetningu eftir 3-5 ár.
Hversu langur tími uns verkun kemur framFull verkun fæst venjulega eftir 10-15 daga.
VerkunartímiBólusetningin dugir venjulega í 5 ár eða lengur.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum á köldum stað (2-8°C) þar sem börn hvorki ná til né sjá. Lyfið má ekki frjósa.
Ef skammtur gleymistEf seinni skammtur gleymist ber að gefa hann um leið og munað er eftir því þar sem möguleiki magn mótefna sé ekki nægilegt. Ekki má gefa tvo skammta í einu.
Hvernig á að hætta töku lyfsinsÁ ekki við.
Ef tekinn er of stór skammturÁ ekki við.
LangtímanotkunLyfið er ekki ætlað til langtímanotkunar.

Aukaverkanir

Yfirleitt vægar og skammvinnar.

Algengar aukaverkanir (>1%):
  • Hiti
    Leitið til læknis
  • Roði, bólga og eymsli á stungustað
    Leitið til læknis
Sjaldgæfar aukaverkanir (<1%):
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Lyfið má ekki blanda í sömu sprautu við önnur bóluefni. Ef nota á önnur bóluefni þarf að nota aðra stungustaði. Þeir sem eru á ónæmisbælandi lyfjameðferð geta fengið minni mótefna svörun.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért með hita eða sýkingu
  • þú sért með skert ónæmiskerfi
  • þú hafir áður verið bólusett/ur með pneumokokka bóluefni
  • þér hafi nýlega slegið niður af langvinnum sjúkdómi
MeðgangaTakmörkuð reynsla er af notkun lyfsins á meðgöngu.
BrjóstagjöfEkki er vitað hvort lyfið berst í brjóstamjólk.
BörnLyfið er ekki ætlað börnum yngri en 2ja ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðAdrenalín stungulyf verður að vera til staðar ef til bráðaofnæmis eða annarra ofnæmisviðbragða kemur. Bóluefnið má ekki gefa í æð eða í húð.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.