Qutenza
Staðdeyfilyf | Verðflokkur: 0 | Lyfseðilsskylt
Virkt innihaldsefni: Capsaicín
Markaðsleyfishafi: Astellas Pharma | Skráð: 1. janúar, 2011
Qutenza hefur staðbundna verkjastillandi verkun og er notað við einkennum taugaverkja, annaðhvort eitt sér eða ásamt öðru verkjalyfi. Verkun lyfsins er talin byggja á svonefndri ónæmingu. Virka efnið capsaicín virkjar sársaukaskynjara í húðinni og taugaboðefni losna sem veldur stingandi sársauka og roða í húðinni. Eftir þessa meðferð minnkar næmi skynjara á svæðinu til muna og helst í nokkra mánuði.
Notkun á lyfi
Lyfjaform:
Húðplástur.
Venjulegar skammtastærðir:
Meðferð er undir stjórn læknis. Meðferðarsvæðið er deyft með staðdeyfilyfi fyrir meðferð. Húðplástur hafður á í 30 mín. (fætur) eða 60 mín. (önnur svæði), þá fjarlægður og meðferðarsvæðið hreinsað með meðfylgjandi hreinsihlaupi. Endurtekið á 90 daga fresti, eftir þörfum.
Hversu langur tími líður uns verkun kemur fram:
Innan 2ja vikna.
Verkunartími:
A.m.k. 12 vikur.
Þörf á að breyta mataræði meðan lyfið er tekið:
Engin.
Geymsla:
Húðplásturinn geymist í upprunalegum poka og öskju við stofuhita þar sem börn hvorki ná til né sjá.
Ef skammtur gleymist:
Á ekki við.
Hvernig á að hætta töku lyfsins:
Ákvörðun um áframhaldandi meðferð er í höndum læknis.
Ef tekinn er of stór skammtur:
Fjarlægja skal plásturinn og nota meðfylgjandi hreinsigel til að hreinsa svæðið, þurrka það síðan af og að lokum þvo svæðið með vatni og sápu.
Langtímanotkun:
Án vandkvæða. Endurmeta skal meðferðina eftir 3 mánuði.
Aukaverkanir
Algengustu aukaverkanir lyfsins eru tímabundin brunatilfinning, verkur, roði og kláði á meðferðarsvæðinu. Lyfið getur borist með andrúmsloftinu og valdið hósta, kvefi og öndunarerfiðleikum.
Aukaverkun | Tíðni | Leitið til læknis vegna einkenna | Leitaðu strax til læknis | Hættu strax töku lyfs | |||
---|---|---|---|---|---|---|---|
Algeng >1% | Sjaldgæf <1% | Ekki þekkt | Sem eru alvarleg | Í öllum tilvikum | |||
Tímabundin hita- eða brunatilfinning í húð | |||||||
Öndunarerfiðleikar | |||||||
Útbrot, kláði og þurrkur á meðferðarsvæði |
Milliverkanir
Sjá öll lyf sem geta haft áhrif á
Má ekki nota með
Getur haft áhrif á
Varúð
Læknir sem ávísar lyfinu þarf að vita hvort
- grunur leiki á um þungun eða að þú sért með barn á brjósti
- þú sért með hjarta- eða æðasjúkdóm
- þú sért með ofnæmi fyrir virka efninu eða einhverju hjálparefnanna
- þú sért með sykursýki
- þú takir einhver önnur lyf
- þú hafir þol fyrir ópíóíð lyfjum
Meðganga:
Takmörkuð reynsla er af notkun lyfsins hjá þunguðum konum.
Brjóstagjöf:
Ekki er vitað hvort lyfið berst í brjóstamjólk.
Börn:
Lyfið er ekki ætlað börnum yngri en 18 ára.
Eldra fólk:
Venjulega skammtastærðir.
Akstur:
Lyfið hefur ekki áhrif á aksturshæfni.
Áfengi:
Í litlum skömmtum hefur áfengi ekki áhrif á verkun lyfsins.
Íþróttir:
Leyft við æfingar og í keppni.
Annað:
Lyfið má ekki bera á skaddaða, þurra eða bólgna húð. Forðast skal snertingu við lyfið/plásturinn og nálægð við augu og slímhúð.
Nánari upplýsingar
Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.