Rennie

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Rennie

Opna mína lyfseðla
Sýrubindandi lyf

Lausasölulyf

Verðflokkur 0: Lyfið er ekki niðurgreitt og fellur ekki inn í greiðsluþrepakerfiðVirkt innihaldsefni: Kalsíumkarbónat, Magnesíumkarbónat

Rennie er magalyf sem inniheldur blöndu tveggja saltsambanda, annars vegar kalsíumkarbónat og hins vegar magnesíumkarbónat. Þessi saltsambönd tilheyra flokki lyfja sem nefnast sýrubindandi sambönd. Sýrubindandi sambönd eru sölt sem bindast magasýru eftir inntöku og minnka virkni hennar. Sýrubindandi sambönd eru notuð við ofmyndun magasýru en hún veldur magaóþægindum, brjóstsviða og nábít. Of mikil myndun magasýru í langan tíma getur leitt til sáramyndunar í vélinda, maga og skeifugörn.

Tafla mg Tafla

Notkun á lyfjum

LyfjaformMunnsogs- og tuggutöflur til inntöku.
Venjulegar skammtastærðir1-2 munnsogs- eða tuggutöflur eftir þörfum. Töflurnar skal tyggja, sjúga eða láta renna í munni.
Hversu langur tími uns verkun kemur framLyfið slær á einkenni, s.s. brjóstsviða og nábít á innan við 15 mín. frá inntöku.
VerkunartímiMisjafn eftir ástandi sjúklings, en verkun ætti að haldast í minnst 1-2 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistLyfið er venjulega tekið eftir þörfum.
Hvernig á að hætta töku lyfsinsEf lyfið er tekið við tilfallandi einkennum má hætta töku þess þegar einkennin eru ekki lengur til staðar.
Ef tekinn er of stór skammturStakir skammtar sem eru litlu stærri en venjulega ættu ekki að skapa vanda. Ef teknir eru mjög stórir skammtar eða ef vart verður við einhver óvenjuleg einkenni skal hafa samband við lækni.
LangtímanotkunLyfið er helst ætlað til skammtímanotkunar við tilfallandi einkennum. Ef það slær ekki á einkennin skaltu hafa samband við lækni. Langtímanotkun er þó án vandkvæða.

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Algengar aukaverkanir (>1%):
  • Vindgangur, hægðatregða og linar hægðir
    Leitið til læknis

Milliverkanir

Sýrubindandi sambönd geta haft áhrif á virkni járns og lyfja eins og tetracýklíns ef þau eru tekin inn samtímis. Láttu alltaf líða 2-3 klst. milli þess sem sýrubindandi sambönd og önnur lyf eru tekin.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun
  • þú sért með ofnæmi fyrir virka efninu eða einhverju hjálparefnanna
  • þú sért með skerta nýrnastarfsemi
  • þú takir einhver önnur lyf
MeðgangaEngin þekkt áhætta er af notkun lyfsins á meðgöngu. Ekki taka nein lyf á fyrstu 3 mánuðum meðgöngu nema í samráði við lækni.
BrjóstagjöfEngin þekkt áhætta er af notkun lyfsins samhliða brjóstagjöf.
BörnLyfið er ekki ætlað börnum yngri en 12 ára.
Eldra fólkVenjulegar skammtastærðir.
AksturLyfið hefur ekki áhrif á aksturshæfni.
ÁfengiGetur ert magaslímhúð. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.