Tambocor (Heilsa)

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Tambocor (Heilsa)

Opna mína lyfseðla
Hjartasjúkdómalyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: FlekaíníðSkráð 1. apríl 1987

Tambocor er gefið við hjartsláttartruflunum. Virka efnið flekaíníð hægir á leiðslukerfi hjartans og kemur þannig í veg fyrir hraðar hjartsláttartruflanir. Flekaíníð er notað til að meðhöndla og fyrirbyggja lífshættulegar hjartsláttartruflanir þegar önnur lyf duga ekki. Eins og önnur lyf, sem notuð eru við hjartsláttartruflunum, getur flekaíníð sjálft valdið óreglulegum hjartslætti í sumum tilfellum. Þess vegna er nauðsynlegt að læknir fylgist reglulega með sjúklingum sem þurfa að taka lyfið að staðaldri í einhvern tíma.

Tafla 100 mg Tafla

Notkun á lyfjum

LyfjaformTöflur til inntöku.
Venjulegar skammtastærðir100-200 mg í senn 2svar á dag.
Hversu langur tími uns verkun kemur fram2-4 klst.
VerkunartímiUm 10-12 klst. eftir stakan skammt.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsEinkenni sjúkdómsins geta versnað þegar töku lyfsins er hætt. Alls ekki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum. Ef vart verður við hjartsláttartruflanir, krampa, skerta meðvitund eða önnur óvenjuleg einkenni skal leita neyðarhjálpar þegar í stað.
LangtímanotkunÞar sem flekaíníð getur sjálft valdið hjartsláttartruflunum í vissum tilfellum er nauðsynlegt að fylgst sé reglulega með sjúklingum sem taka lyfið að staðaldri.

Aukaverkanir

Algengar aukaverkanir (>1%):
  • Höfuðverkur, svimi, þreyta
    Leitið til læknis
  • Kviðverkir, niðurgangur og hægðatregða
    Leitið til læknis
  • Lystarleysi
    Leitið til læknis
  • Ógleði og uppköst
    Leitið til læknis
  • Sjóntruflanir
    Leitið til læknis
  • Skjálfti, bjúgur
    Leitið til læknis
  • Hjartsláttartruflanir
    Leitið strax til læknis
Sjaldgæfar aukaverkanir (<1%):
  • Útbrot, kláði
    Leitið til læknis

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með aðra hjarta- eða æðasjúkdóma
  • þú sért með lágan blóðþrýsting eða hægan hjartslátt
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum.
Eldra fólkMinni skammtar eru notaðir.
AksturLyfið getur valdið svima og þar með haft áhrif á aksturshæfni. Ekki aka bíl fyrr en reynsla er komin á það hvaða áhrif lyfið hefur.
ÁfengiÁfengi getur aukið sumar aukaverkanir lyfsins. Æskilegt er að halda áfengisneyslu í lágmarki meðan lyfið er tekið.
ÍþróttirLeyft við æfingar og í keppni.
AnnaðLyfið getur valdið lífshættulegum hjartsláttartruflunum. Aðeins má hefja gjöf lyfsins hjá sjúklingum á sjúkrahúsum, þar sem stöðugt er fylgst með hjartslætti. Einungis er heimilt að afhenda lyfið í apótekum gegn lyfjaávísunum sérfræðinga í hjartasjúkdómum vegna hættulegra aukaverkana þess.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.