Ticagrelor Medical Valley

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Ticagrelor Medical Valley

Opna mína lyfseðla
Segavarnarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TicagrelorSkráð 1. október 2025

Ticagrelor Medical Valley inniheldur virka efnið ticagrelor. Það tilheyrir lyfjaflokki sem kallast blóðflöguhemjandi lyf. Ticagrelor er notað samhliða asetýlsalisýlsýru (sem er annað blóðflöguhemjandi lyf) hjá fullorðnum eingöngu. Lyfið er gefið einstaklingum sem hafa fengið hjartaáfall, fyrir meira en ári síðan. Lyfið minnkar líkurnar á öðru hjartaáfalli, heilaslagi eða andláti af öðrum sjúkdómum sem tengist hjartanu eða æðum. Ticagrelor verkar á svokallaðar blóðflögur. Þessar örlitlu frumur í blóðinu aðstoða við að stöðva blæðingu með því að loða saman og mynda þannig tappa í örsmá göt í særðum eða skemmdum æðum. Blóðflögur geta einnig myndað tappa innan í sjúkum æðum í hjarta eða heila.

Tafla 90 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðir1 tafla 2svar á dag í allt að 12 mánuði.
VerkunartímiUm 7-10 dagar.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu næsta skammt á venjulegum tíma. Ekki taka tvo skammta í einu.
Hvernig á að hætta töku lyfsinsAukin hætta er á blóðtappamyndun þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafa skal samband við lækni, sjúkrahús eða eitrunarmiðstöð (543 2222). Ofskömmtun getur lengt blæðingartíma.
LangtímanotkunÁn vandkvæða, en reglulegt eftirlit hjá lækni er nauðsynlegt.

Aukaverkanir

Ticagrelor hefur áhrif á blóðstorknun, svo flestar aukaverkanir tengjast blæðingum. Blæðingar geta orðið í öllum hlutum líkamans. Sumar blæðingar eru algengar (svo sem marblettir og blóðnasir). Alvarlegar blæðingar eru sjaldgæfar, en geta verið lífshættulegar.

Algengar aukaverkanir (>1%):
  • Höfuðverkur, sundl
    Leitið til læknis
  • Mæði
    Leitið til læknis
  • Magaóþægindi, ógleði, harðlífi, niðurgangur
    Leitið til læknis
  • Útbrot, kláði
    Leitið til læknis
  • Yfirlið
    Leitið strax til læknis
Sjaldgæfar aukaverkanir (<1%):
  • Slappleiki eða doði í höndum eða fótum
    Leitið strax til læknis
  • Blæðing í heila eða innan höfuðkúpu
    Leitið strax til læknis

Milliverkanir

Lyfið getur milliverkað við ýmis lyf. Listinn er ekki tæmandi.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • þú sért með astma eða annan öndunarfærasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir blæðingartilhneigingu
  • þú takir einhver önnur lyf
  • þú sért með lifrarsjúkdóm
  • þú hafir fengið heilablóðfall eða heilablæðingu
MeðgangaNotkun er ekki ráðlögð ef þú ert barnshafandi eða getur orðið barnshafandi. Konur eiga að nota örugga getnaðarvörn til að koma í veg fyrir þungun meðan þær taka þetta lyf.
BrjóstagjöfRæddu við lækninn áður en þú tekur lyfið ef þú ert með barn á brjósti. Hann mun ræða við þig um ávinning og áhættu ef lyfið er notað á þessum tíma.
BörnLyfið er ekki ætlað börnum.
AksturEkki er talið líklegt að lyfið hafi áhrif á getu til aksturs eða notkunar véla. Gættu varúðar við akstur eða notkun véla ef þú finnur fyrir sundli eða ringlun meðan á töku lyfsins stendur.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.