Travatan

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Travatan

Opna mína lyfseðla
Glákulyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: TravóprostSkráð 1. febrúar 2004

Travatan er notað við gláku og háum augnþrýstingi. Gláka stafar af ójafnvægi milli framleiðslu á augnvökva og frárennslis hans, með þeim afleiðingum að vökvinn safnast fyrir og þrýstingur í auganu hækkar. Þegar þrýstingurinn hækkar geta æðar til sjónhimnu þrengst og blóðflæði um þær minnkað. Ef ekki er brugðist við í tíma getur það valdið skemmdum í sjónhimnunni og jafnvel blindu. Gláka er flokkuð í tvær tegundir, þrönghorns- og gleiðhornsgláku, eftir því hvernig frárennsli augnvökvans er hindrað. Travatan inniheldur virka efnið travóprost og er notað til að lækka augnþrýsting hjá sjúklingum með háan augnþrýsting eða gleiðhornsgláku. Lyfið dregur úr augnþrýstingi með því að auka útflæði augnvökva. Lyfið er annaðhvort notað eitt sér eða með öðru lyfi sem viðbótarmeðferð.

Notkun á lyfjum

LyfjaformAugndropar.
Venjulegar skammtastærðir1 dropi í auga einu sinni á dag, helst að kvöldi.
Hversu langur tími uns verkun kemur framUm 2 klst. Hámarksverkun næst eftir um 12 klst.
VerkunartímiVerkun varir í minnst 24 klst.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá. Nota skal lyfið innan 4ra vikna frá því að innri umbúðir eru opnaðar.
Ef skammtur gleymistNotaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.
Hvernig á að hætta töku lyfsinsEkki hætta notkun lyfsins nema í samráði við lækni.
Ef tekinn er of stór skammturStakir skammtar sem eru litlu stærri en venjulega ættu ekki að valda óþægindum. Ef stórir skammtar eru notaðir eða ef vart verður við óvenjuleg einkenni skal hafa samband við lækni.
LangtímanotkunLyfið getur smám saman breytt augnlit. Meðferð á öðru auganu getur því leitt til þess að lithimnur augna verði varanlega mislitar. Lyfið getur einnig breytt augnhárum á meðhöndluðu auga. Breytingarnar sem um ræðir geta verið lenging, þykknun, dökknun og/eða fjölgun augnhára.

Aukaverkanir

Algengar aukaverkanir (>1%):
  • Augnþurrkur, ljósfælni og verkur í auga
    Leitið til læknis
  • Breytingar á augnhárum
    Leitið til læknis
  • Erting, kláði og roði í augum
    Leitið til læknis
Sjaldgæfar aukaverkanir (<1%):
  • Lágur blóðþrýstingur, hægur hjartsláttur
    Leitið til læknis
  • Roði og bólga í augum eða augnlokum
    Leitið til læknis
  • Öndunarerfiðleikar
    Leitið strax til læknis

Milliverkanir

Milliverkanir við önnur lyf hafa ekki verið kannaðar. Ef önnur staðbundin augnlyf eru notuð samtímis, þurfa að líða a.m.k. 5 mín. á milli ídreypinga.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með ofnæmi fyrir virka efninu eða einhverju hjálparefnanna
  • þú takir einhver önnur lyf
  • þú sért ekki með augastein í öðru eða báðum augum
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturEins og á við um önnur augnlyf getur notkun augndropa valdið tímabundnum sjóntruflunum.
ÁfengiÍ litlum skömmtum hefur áfengi ekki áhrif á verkun lyfsins.
ÍþróttirLeyft við æfingar og í keppni.
AnnaðRotvarnarefni í augndropunum geta skemmt mjúkar augnlinsur. Fjarlægja skal augnlinsur fyrir notkun og þær má setja í að nýju 15 mín. síðar.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.