Venlafaxine Alvogen

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Venlafaxine Alvogen

Opna mína lyfseðla
Geðdeyfðarlyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: VenlafaxínSkráð 1. desember 2007

Venlafaxine Alvogen inniheldur virka efnið venlafaxín. Lyfið er nýlegt geðdeyfðarlyf með verkun og efnafræði sem eru ólík öðrum geðdeyfðarlyfjum. Áhrif þess á einkenni geðdeyfðar byggjast á áhrifum þess á virkni taugaboðefnanna noradrenalíns og serótóníns í heila, en lítil virkni þessara boðefna er talin valda geðdeyfð. Venlafaxín bætir skap geðdeyfðarsjúklinga, eykur líkamlega virkni, bætir matarlyst og eykur áhuga á daglegu lífi. Það hefur ekki róandi eða svæfandi áhrif, hefur minni áhrif á blóðþrýsting og veldur síður þyngdaraukningu en eldri geðdeyfðarlyf. Venlafaxín virkar á flest einkenni geðdeyfðar og hefur kvíðastillandi áhrif. Það er notað við geðdeyfð, einnig ef geðdeyfðin er kvíðatengd, almennri kvíðaröskun, félagsfælni og ofsahræðslu. Rannsóknir benda til þess að verkun venlafaxíns komi fram eftir styttri tíma en almennt gildir um geðdeyfðarlyf.

Tafla 75 mg Hylki

Notkun á lyfjum

LyfjaformForðahylki til inntöku.
Venjulegar skammtastærðir75-375 mg í senn einu sinni á dag. Hylkin gleypist heil með mat á sama tíma á hverjum degi. Hylkin má ekki opna, mylja, tyggja eða leysa upp.
Hversu langur tími uns verkun kemur framUm 2 vikur.
VerkunartímiEkki að fullu þekktur. Lyfið er venjulega tekið í 3-6 mánuði eftir að einkenni hverfa.
Þörf á að breyta mataræði meðan lyfið er tekiðEngin.
GeymslaGeymist í lokuðum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSjúkdómseinkenni geta aftur komið fram þegar töku lyfsins er hætt. Einnig er oft æskilegt að minnka skammta smám saman áður en töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturLeitaðu læknis í öllum tilvikum. Ef vart verður við einkenni eins og hægan eða óreglulegan hjartslátt eða skerta meðvitund skal leita neyðarhjálpar þegar í stað.
LangtímanotkunVenlafaxín er tiltölulega nýtt lyf og áhrif af langtímanotkun lítið þekkt. Algengt er að lyfið sé tekið í 6 mánuði eftir að einkenni geðdeyfðar hverfa og engin sérstök vandamál fylgja töku lyfsins í þann tíma.

Aukaverkanir

Algengast er að fá ógleði og uppköst, en um 6% þeirra sem taka lyfið finna fyrir þeim aukaverkunum. Aukaverkanir lyfsins eru oftast mestar fyrst en mildast eða hverfa þegar meðferð er haldið áfram.

Algengar aukaverkanir (>1%):
  • Geispar
    Leitið til læknis
  • Höfuðverkur, svimi, þróttleysi
    Leitið til læknis
  • Hraður hjartsláttur, hár blóðþrýstingur
    Leitið til læknis
  • Kvíði, taugaveiklun
    Leitið til læknis
  • Lystarleysi, þyngdarbreytingar
    Leitið til læknis
  • Minnkuð kynhvöt eða getuleysi
    Leitið til læknis
  • Munnþurrkur, aukin svitamyndun
    Leitið til læknis
  • Ógleði, uppköst, hægðatregða
    Leitið til læknis
  • Rugl, svefntruflanir
    Leitið til læknis
  • Tíðatruflanir
    Leitið til læknis
  • Þvaglátstruflanir
    Leitið til læknis
Sjaldgæfar aukaverkanir (<1%):
  • Gula
    Leitið til læknis
  • Hreyfitruflanir, parkinsonseinkenni
    Leitið strax til læknis
  • Krampar
    Leitið strax til læknis
  • Öndunarerfiðleikar
    Leitið strax til læknis
  • Útbrot, kláði, bjúgur og öndunarerfiðleikar
    Leitið strax til læknis

Milliverkanir

Náttúrulyfið Jóhannesarjurt getur haft áhrif á virkni lyfsins. Ekki er mælt með samtímis töku megrunarlyfja.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með gláku
  • þú sért með hjartasjúkdóm eða háan blóðþrýsting
  • þú sért með langvarandi lifrar- eða nýrnasjúkdóm
  • þú sért með ofnæmi fyrir einhverjum lyfjum
  • þú hafir fengið krampa eða sért með flogaveiki
  • þú takir einhver önnur lyf
  • þú hafir sögu um blæðingartilhneigingu
  • þú sért með sögu um árásargirni
MeðgangaTakmörkuð reynsla er af notkun lyfsins hjá þunguðum konum.
BrjóstagjöfLyfið berst í brjóstamjólk og getur haft áhrif á barnið.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir.
AksturLyfið getur dregið úr viðbragðsflýti. Ekki aka bíl fyrr en reynsla er komin á það hvaða áhrif lyfið hefur.
ÁfengiEykur hættu á að aukaverkanir lyfsins komi fram, því á ekki að neyta áfengis meðan lyfið er tekið. Almennt er mælt gegn því að neyta áfengis samhliða meðferð með geðdeyfðarlyfjum.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.