Vildagliptin/Metformin Krka

Lyfjabokin 05 (1)
Leitaðu í Lyfjabókinni Hér finnur þú öll skráð lyf á Íslandi sem seld eru í apótekum
Lyfjabókin

Vildagliptin/Metformin Krka

Opna mína lyfseðla
Sykursýkilyf

Lyfseðilsskylt

Verðflokkur G: Lyfið er niðurgreitt og fellur inn í greiðsluþrepakerfiðVirkt innihaldsefni: Metformín, VildagliptínSkráð 12. ágúst 2021

Vildagliptin/Metformin Krka, sem inniheldur virku efnin vildagliptín og metformín, er við sykursýki. Sykursýki stafar af skorti á insúlíni (tegund I, insúlínháð sykursýki) eða minnkuðum áhrifum þess (tegund II, insúlínóháð sykursýki). Insúlín er hormón sem er myndað af betafrumum í briskirtli. Það er nauðsynlegt til þess að sykur í blóði komist inn í frumur þar sem hann nýtist sem orkugjafi. Vildagliptín og metformín eru notuð við sykursýki af tegund II. Bæði virku efnin, vildagliptin og metformin, hjálpa til við að hafa stjórn á sykurmagni í blóði. Vildagliptin verkar þannig að það lætur brisið framleiða meira insúlín og minna glúkagon. Metformin hjálpar líkamanum að nýta insúlínið betur. Sýnt hefur verið fram á að Vildagliptin/Metformin Krka dregur úr magni sykurs í blóðinu, sem getur hjálpað til við að fyrirbyggja fylgikvilla sykursýkinnar.

Tafla 50/850 mg Filmuhúðuð tafla

Notkun á lyfjum

LyfjaformTöflur til inntöku.
Venjulegar skammtastærðirEin tafla kvölds og morgna. Hver tafla inniheldur 50 mg af vildagliptíni og 850 eða 1000 mg af metformíni. Með því að taka lyfið með mat eða rétt eftir mat má draga úr einkennum frá meltingarvegi af völdum metformíns. Töflurnar gleypist heilar með vatnsglasi.
Hversu langur tími uns verkun kemur fram1-2 klst. 2 vikur geta liðið þar til náðst hefur stjórn á sykursýkinni.
VerkunartímiA.m.k. 12 klst.
Þörf á að breyta mataræði meðan lyfið er tekiðBreytt mataræði og minnkuð sykurneysla er þáttur í meðferð.
GeymslaGeymist í lokuðum upprunalegum umbúðum við stofuhita þar sem börn hvorki ná til né sjá.
Ef skammtur gleymistTaktu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að taka lyfið eins og venjulega. Ekki taka tvo skammta í einu.
Hvernig á að hætta töku lyfsinsSykursýki getur versnað þegar töku lyfsins er hætt. Ekki hætta töku lyfsins nema í samráði við lækni.
Ef tekinn er of stór skammturHafðu samband við lækni í öllum tilfellum eða eitrunarmiðstöð (sími 543 2222). Ef sjúklingur missir meðvitund skaltu leita neyðarhjálpar.
LangtímanotkunReynsla af notkun vildagliptíns í klínískum rannsóknum er ennþá lítil. Mælt er með því að fylgjast með lifrarensímum sjúklinga ásamt nýrna- og hjartastarfsemi.

Aukaverkanir

Algengar aukaverkanir (>1%):
  • Aukin svitamyndun
    Leitið til læknis
  • Höfuðverkur, sundl, skjálfti
    Leitið til læknis
  • Kviðverkir, uppköst, ógleði, vindgangur
    Leitið til læknis
  • Liðverkir
    Leitið til læknis
  • Nefrennsli og hálssærindi
    Leitið til læknis
Sjaldgæfar aukaverkanir (<1%):
  • Málmbragð í munni
    Leitið til læknis
  • Of lágur blóðsykur
    Leitið til læknis
  • Lifrarkvillar: gula, kláði, ógleði, uppköst, mar myndast auðveldlega
    Leitið strax til læknis
  • Ofsakláði, bjúgur í andliti
    Leitið strax til læknis
  • Uppköst, kviðverkir, sinadráttur, vanlíðan, mikil þreyta, öndunarerfiðleikar
    Leitið strax til læknis

Milliverkanir

Sykurbarksterar (sum húðlyf og bólgueyðandi lyf), beta-2 agonistar (sum astmalyf) og þvagræsilyf hafa sykurhækkandi áhrif. Láttu vita að þú sért á þessu lyfi ef þú þarft að fara í geislarannsókn með joðuðu skuggaefni. Náttúrulyfið Jóhannesarjurt getur haft áhrif á virkni lyfsins.

Nánari upplýsingar

Leitið ráða hjá heilbrigðisstarfsmanni áður en lyfið er notað ef:

  • grunur leiki á um þungun eða að þú sért með barn á brjósti
  • þú sért með langvarandi lifrar- eða nýrnasjúkdóm
  • þú sért með ofnæmi fyrir virka efninu eða einhverju hjálparefnanna
  • þú hafir fengið hjartabilun
  • þú neytir áfengis í miklum mæli
  • þú takir einhver önnur lyf
MeðgangaTakmörkuð reynsla er af notkun lyfsins hjá þunguðum konum. Ekki er mælt með notkun lyfsins hjá þunguðum konum.
BrjóstagjöfLyfið skal ekki nota með barn á brjósti. Ekki er vitað hvort lyfið berst í brjóstamjólk.
BörnLyfið er ekki ætlað börnum yngri en 18 ára.
Eldra fólkVenjulegar skammtastærðir. Hafa skal reglulegt eftirlit með nýrnastarfsemi hjá ölduðum sjúklingum. Notkun lyfsins hefur ekki verið rannsökuð hjá sjúklingum eldri en 75 ára.
AksturLyfið getur valdið sundli. Ef merki eru um of lágan blóðsykur ætti ekki að stjórna ökutæki.
ÁfengiGetur valdið lækkun á blóðsykri. Einkenni um lækkaðan blóðsykur líkjast að sumu leyti áhrifum áfengis. Það minnkar líkur á því að einkennin þekkist og að rétt sé brugðist við þeim. Neysla áfengis eykur hættuna á mjólkursýrublóðsýringu. Sjúklingar sem nota lyfið ættu því að forðast áfengi.
ÍþróttirLeyft við æfingar og í keppni.
Nánari upplýsingar um lyfið er að finna í SPC texta og í fylgiseðli lyfsins, sem finna má á heimsíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.