Hvenær nota ég heat-it™?
heat-it™ hentar til að meðhöndla skordýrabit frá m.a. lúsmýi, moskítóflugum, býflugum og geitungum. Til að ná sem bestum árangri er mælt með að nota heat-it™ strax eftir bitið, þar sem það getur dregið úr eða jafnvel komið í veg fyrir einkenni.

Hversu heitt getur heat-it™ orðið?
Í fullorðins stillingu hitnar hitaplatan upp í 52°C, en í barnastillingu nær hún 49°C. Ef „viðkvæm húð“ er virkjuð í appinu lækkar hitastigið um u.þ.b. 2°C.
Þú getur valið meðferðarlengdina, annað hvort 4, 7 eða 9 sekúndur (stutt, miðlungs eða löng).

Er hitameðferðin sársaukafull?
Hvort hitinn frá heat-it™ teljist sársaukafullur fer eftir hverjum notanda. Meðferðin getur verið óþægileg, en þar sem hitanæmi húðarinnar er mismunandi eftir einstaklingum og líkamssvæðum, býður heat-it™ appið upp á 12 stillingar.

Til að tryggja örugga og árangursríka notkun skaltu hafa eftirfarandi í huga:

Aðeins vægur hitaverkur er nauðsynlegur til að meðferðin virki. Ef þú finnur fyrir miklum sársauka skaltu hætta meðferð strax. Fyrir fyrstu notkun skal velja stillingarnar „stutt“, „barn“ og „viðkvæm húð“, sérstaklega á óreyndum svæðum. Ef meðferðin skilar ekki árangri er hægt að endurtaka hana eftir 2 mínútur með breyttum stillingum. Vinsamlega fylgdu ítarlegum upplýsingum í notkunarleiðbeiningum.

Hvað skal varast

• Aldurstakmark: heat-it™ er hægt að nota á börn frá 3 ára aldri og börn geta notað það sjálfstætt frá 12 ára aldri.
• Tímalengd og tíðni: Ekki þrýsta heat it™ á húðina lengur en í 10 sekúndur meðan á meðferð stendur. Sama húðsvæði má ekki meðhöndla oftar en fimm sinnum á hverri klukkustund, og ávallt skal bíða að minnsta kosti 2 mínútur á milli meðferða.
• Ofnotkun getur leitt til húðskemmdar eða varanlegra litabreytinga.
  Rétt notkun: heat-it™ er eingöngu ætlað til notkunar á ytri húð. Ekki nota það í líkamsop, á slímhúð, góma, naglabeð, augu eða á ytra eyra.
• Fyrsta notkun: Við fyrstu notkun skal velja stillingarnar „stutt“, „barn“ og „viðkvæm húð“. Þetta á einnig við þegar verið er að meðhöndla húðsvæði sem ekki hafa verið prófuð áður.
• Býflugnastungur: Fyrir meðhöndlun býflugnastungna skal fjarlægja broddinn fyrst. heat-it™ er ekki ætlað til meðferðar við ofnæmisviðbrögðum eða mítlabitum.
• Viðkvæm húð: Lengri meðferðartími („miðlungs“ og „langur“) og hærra hitastig („fullorðins“ og „óviðkvæmt húðsvæði“) geta valdið húðertingu hjá viðkvæmum einstaklingum eða á viðkvæmum húðsvæðum. Ekki nota þessar stillingar ef þú ert ekki viss eða ert að nota heat-it™ í fyrsta skipti.
• Varúðarráðstafanir: Fylgdu alltaf notkunarleiðbeiningunum. Óviðeigandi notkun getur leitt til minniháttar brunasára.

Hversu mikið af rafhlöðunni notar heat-it™?
Hver meðferð notar um 0,1% af rafhlöðunni. Ef síminn er fullhlaðinn, er mögulegt að framkvæma allt að 1.000 meðferðir á hæstu stillingu, sem er meira en nóg fyrir þig, fjölskylduna og vini þína… og alla á tjaldsvæðinu.

Hvernig meðferðin virkar
Meginreglan um ofurhita/ofhita (hyperthermia) til að meðhöndla kláða og sársauka byggist á stuttri upphitun húðarinnar sem taugarnar bregðast við. Rannsóknir benda til þess að þetta dragi úr flutningi áreitis. Fyrir vikið er ekki lengur hægt að senda kláðamerkið á réttan hátt og þörfin á að klóra minnkar. Til að ná þessum kláðastillandi áhrifum á húðtaugarnar er stutt tímabil hitaverkja nauðsynleg.

Í júní 2023 birtum við okkar fyrstu rannsókn á þessari aðferð (útdráttur):

„Ný rannsókn sýnir fram á örugga og áhrifaríka kláðastillingu og verkjastillingu eftir skordýrabit með hitameðferð“

Reference: Metz M et al. | Published in Acta Dermato-Venereologica by the Society for Publication of Acta Dermato-Venereologica | DOI number: 10.2340/actadv.v103.11592 | Efficacy of Concentrated Heat for Treatment of Insect Bites: Results of a real-world study

Accepted May 17, 2023
Published June 26, 2023

heat-it™ og iPhone 15 & 16 / Android
heat it™ virkar með iPhone 15 og 16 (Plus, Pro og Pro Max) sem eru með USB-C og einnig með Android símum.

Apple MFi vottun tryggir bestu virkni og hæsta öryggi. Í nokkrum snjallsímum frá t.d. OnePlus eða OPPO þarf að virkja aðgerðina „OTG“ handvirkt. Athugið: ekki hægt að stjórna heat-it™ með millistykki á iPhone 6s – 14.

heat-it™ og spjaldtölvur / iPad
heat-it™ var þróað sérstaklega fyrir snjallsíma og er ekki fínstillt sérstaklega fyrir spjaldtölvur. Að auki er miklu auðveldara og handhægara að nota heat-it™ með snjallsíma. Engu að síður er hægt að stjórna heat-it™ á Android spjaldtölvu. Af tæknilegum ástæðum er ekki hægt að nota heat-it™ á iPad.

heat-it™ og símahulstur
Nær undantekningalaust er hægt að nota heat-it™  með síma sem er í símahulstri.

Hvar er heat-it™ framleitt?
heat-it™ er þróað og framleitt í Karlsruhe, Þýskalandi