Timian (rautt) (Thymus vulgaris). Olían er krampastillandi, góð við gigt, sótthreinsandi, bakteríudrepandi, styrkjandi, vindeyðandi, vökvalosandi, jafnar hormóna, lagar ör, slímlosandi, blóðþrýstingshækkandi, skordýrafæla, örvandi og er góð fyrir hjartað. Góð á vöðva við þreytu og spennu. Olían er góð við kvefi og hún bætir ónæmiskerfið. Mjög góð við gigt þar sem hún bætir blóðflæði og er krampastillandi.
Virk efni: M.a. alfa-thujon, alfa- og beta-pinen, linalool, borneol, thymol og carvacrol.
Varúð: Ekki fyrir fólk með of háan blóðþrýsting.
Ilmkjarnaolíur eru 75-100 sinnum sterkari en te.
Ilmolíurnar eru góð leið til þess að nota heima til að hafa áhrif á taugakerfið, hvort sem er að örva eða róa. Hægt er að nota þær á margan máta.
Bað: setjið 5-10 dropa af hreinum ilmkjarnaolíum út í baðvatn.
Innöndun: 3-6 dropar í skál af heitu vatni. Setjið rétt áður en á að fara í gufuna. Setjið svo handklæði yfir höfuðið og andið að ykkur í nokkrar mínútur 5-10 mínútur. Einnig hægt að setja einn dropa í lófann og draga andann djúpt að sér. Efnin fara beint upp í heila og virka strax.
Ilmvatn: Sumar ilmolíur er hægt að nota eins og ilmvatn.
