Ferðaapótekið
Ferðaapótek er sjúkra- og lyfjataska sem inniheldur allt það nauðsynlegasta sem á þarf að halda ef upp koma vandamál.
Það fer að sjálfsögðu eftir þörfum og áfangastað hvers og eins, hvað hentar að hafa í ferðaapótekinu. Sé förinni heitið annað en til hinna venjulegu ferðamannastaða eða á staði þar sem erfitt er að ná í lækni, getur þurft að bæta við eftirfarandi lista.
Dæmi um ferðaapótek:
- Verkjatöflur
- Ferðaveikitöflur við ógleði
- Sýrubindandi lyf við brjóstsviða
- Stoppandi töflur við niðurgangi
- Salt og glúkósa við vökvatapi
- Ofnæmistöflur við hvers kyns ofnæmi
- Hálstöflur við særindum í hálsi
- Nefdropar, til að nota í flugtaki og lendingu og minnka bjúg og stíflu í nefi og eyrum
- Plástur
- Sáraumbúðir
- Sótthreinsandi þurrkur á sár
- Hælsærisplástur
- Skæri og flísatöng
- Vörn gegn flugnabiti
- Áburður á skordýrabit, t.d. steraáburður eða After-bite
Sjúklingar þurfa að taka með sér nægilegt magn af nauðsynlegum lyfjum.
Ef þú ert á leið til landa þar sem malaría er landlæg þarftu að hafa með þér fyrirbyggjandi malaríulyf. Þú færð malaríulyf í apótekum Lyfju gegn lyfseðli frá lækni.
Ef þú notar gleraugu er einnig gott að hafa meðferðis auka gleraugu eða linsur eða ávísun á gleraugu frá augnlækni ef eitthvað skyldi koma fyrir gleraugun þín í ferðinni.
