Flug og blóðtappar
Það er jákvæð fylgni milli blóðtappa (segamyndun í blóðrás) og langra flugferða, það er að segja langar flugferðir, sérstaklega þær sem fara yfir 8 klst., geta aukið líkur á að fá blóðtappa í fæturna.
Orsökin er að mestu óþekkt en helstu áhættuþættir eru eftirfarandi:
- Langar kyrrsetur.
- Lægri loftþrýstingur inni í flugvélinni veldur því að almennt er minna súrefni í blóði farþega en venjulega.
- Vökvasöfnun á fætur (bjúgur) vegna hreyfingaleysis.
- Vökvatap.
Það skal tekið sérstaklega fram að líkurnar á því að fá blóðtappa í flugi eru mjög litlar, jafnvel þó að einstaklingur sé greindur með hjartasjúkdóm. Notkun blóðþynnandi lyfja fyrir flugferðir er venjulega ekki nauðsynleg. Það er læknirinn þinn sem ákveður hvort þú þurfir á slíkum lyfjum að halda eða ekki.
Nýttu þér eftirfarandi ráð til þess að fyrirbyggja að þú fáir blóðtappa:
- Hreyfðu þig eins mikið og mögulegt er. Gakktu fram og tilbaka í gangi flugvélarinnar (án þess þó að trufla aðra) og taktu nokkrar hnébeygjur af og til. Hreyfðu fæturna og tærnar þar sem þú situr.
- Ekki sitja með krosslagða fætur og forðastu að láta sætið í vélinni þrýsta of mikið á neðanverð lærin.
- Fáðu þér svokallaða flugsokka eða stuðningssokka áður en þú leggur af stað og vertu í þeim á meðan á flugferðinni stendur.
- Drekktu mikið af vökva. Forðastu áfengi og koffíndrykki þar sem hvoru tveggja þurrkar upp líkamann.
- Ef þú átt í vandræðum með heilsuna, ert nýkominn úr skurðaðgerð eða ert barnshafandi, spurðu þá lækninn þinn áður en þú ferð hvort þú ættir að gera eitthvað meira fyrirbyggjandi til að koma í veg fyrir blóðtappa í fótum.
Flugsokkar líta út eins og venjulegir sokkar. Það er hægt að fá þá fyrir karla og konur í brúnu, hvítu og svörtu. Stærð sokkanna sem þú kaupir fer eftir þinni skóstærð.
Flugsokkar fást í apótekum og netverslun Lyfju | Skoða hér