Flúor
Flúor er steinefni sem finnst víða í náttúrunni. Flúor er í öllum vefjum líkamans, mest þó í tönnum og beinum.
Heiti
Flúor, fluoride.
Uppspretta
Plöntur og vatn. Í dag eru flest tannkrem og munnskol flúorbætt.
Verkun
- Nauðsynlegt fyrir myndun og viðhald tanna, flúor verndar tennur fyrir skemmdum.
- Örvar myndun beina.
- Hindrar virkni ýmissa ensímkerfa í líkamanum.
Notkun - verkun
Til varnar tannskemmdum.
Ráðlagðir dagskammtar
Ráðlagðir dagskammtar (RDS/Recommended Intake, RI) eru dagleg meðalneyslanæringarefna sem nægir til að mæta þörfum nær allra (venjulega 97,5%) einstaklinga á ákveðnu aldursskeiði meðal almennings. RDS er venjulega notað til að skipuleggja mataræði fyrir hópa fólks og einstaklinga. Einnig er hægt að nota RDS sem ráðleggingar um dagleganeyslu fyrir einstaklinga.
| Ungbörn <6 mánaða | |
| Ungabörn 7-11 mánaða | 0,4mg |
| Börn 1-3 ára | 0,7mg |
| Börn 4-6 ára | 1,0mg |
| Börn 7-10 ára | 1,5mg |
| Karlar 11-14 ára | 2,4mg |
| Karlar 15-17 ára | 3,3mg |
| Karlar 18-24 ára | 3,8mg |
| Karlar 24-70 ára | 3,7mg |
| Karlar <70 ára | 3,5mg |
| Konur 11-14 ára | 2,3mg |
| Konur 15-17 ára | 2,9mg |
| Konur 18-50 ára | 3,2mg |
| Konur 51-70 ára | 3,1mg |
| Konur <70 ára | 3,0mg |
| Á meðgöngu | 3,1mg |
| Með barn á brjósti | 3,1mg |
Skortur
Getur valdið tannskemmdum.
Eitrun
Staðbundin og bráð eituráhrif flúors á magaslímhúð lýsa sér í ógleði, uppköstum, magaverkjum og niðurgangi. Óstaðbundin og bráð eituráhrif flúors eru fjölbreyttari og alvarlegri. Þar má nefna ertingu í taugakerfi, kalkskort, blóðsykurskort, lágþrýsting og öndunartruflanir. Hjartabilun og í versta falli dauði, getur hlotist af öndunartruflunum.
Aukaverkanir
Engar þekktar aðrar en eiturverkanir.
Milliverkanir
Engar þekktar.
Frábendingar
Engar þekktar.
Heimildir
Ráðlagðir dagskammtar og nægjanleg neysla af vítamínum og steinefnum 2024.
www.landlaeknir.is . Uppfært í júní 2025.