Alcaine

Alcaine augndropar eru notaðir sem staðdeyfilyf við augnlækningar. Þeir eru notaðir til að staðdeyfa augað þegar framkvæma á smáaðgerð á auga og þegar fjarlægja á aðskotahluti úr því. Lyfið inniheldur virka efnið proxýmetakaín, en það stíflar taugafrumuhimnur og hamlar flutningi taugaboða. Efnið fer í gegnum slímu augans og deyfir yfirborð þess fljótt.

---

Notkun á lyfi

Lyfjaform:
Augndropar.

Venjulegar skammtastærðir:
1-2 dropar í tárasekk fyrir aðgerð.

Hversu langur tími líður uns verkun kemur fram:
30 sekúndur.

Verkunartími:
Allt að 15 mín.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Nota skal lyfið innan 4ra vikna frá opnun ef það er fyrir einn sjúkling en innan viku ef það er notað á læknastofu fyrir fleiri sjúklinga.

Ef skammtur gleymist:
Lyfið er ekki notað að staðaldri.

Hvernig á að hætta töku lyfsins:
Lyfið er ekki notað að staðaldri.

Ef tekinn er of stór skammtur:
Ef sjúklingur verður æstur skal róa hann. Halda verður berkjum opnum og gefa súrefni og hafa strax samband við lækni ef krampar koma fram. Ekki má dreypa dropunum ítrekað í augað þar sem það getur valdið alvarlegum augnskemmdum.

Langtímanotkun:
Lyfið er ekki notað að staðaldri.

---

Aukaverkanir

Aukaverkanir af völdum lyfsins eru tiltölulega sjaldgæfar, einna helst sviði og væg brunatilfinning.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Erting, kláði og roði í augum
Roði og bólga í augum eða augnlokum

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú notir augnlinsur
• þú sért með bólgu á yfirborði augans

Meðganga:
Ólíklegt er að lyfið hafi skaðleg áhrif á fóstur þar sem almennt frásog proxýmetakaín í formi augndropa er lítið.

Brjóstagjöf:
Ólíklegt er að lyfið hafi skaðleg áhrif á barn á brjósti þar sem almennt frásog proxýmetakaín í formi augndropa er lítið.

Börn:
Venjulegar skammtastærðir.

Eldra fólk:
Venjulegar skammtastærðir.

Akstur:
Lyfið getur haft áhrif á hæfni til aksturs eða notkunar véla. Bíða skal með að aka bíl þar til sjónin er aftur orðin skýr.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Ekki má nota mjúkar augnlinsur þar sem lyfið inniheldur rotvarnarefnið benzalkónklóríð. Ekki má snerta eða nudda augað fyrr en deyfingin er horfin vegna þess að það gæti valdið skemmdum á auganu.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.