Cetavlex (afskráð apr. 2006)
Cetavlex hefur sýklaheftandi áhrif. Það er notað útvortis við sýkingum í húð eða sárum og til að fyrirbyggja þær. Cetavlex binst við húð og berst því að óverulegu leyti í blóðrás. Cetavlex er einnig notað á bleyjuútbrot hjá ungbörnum.
Notkun á lyfi
Lyfjaform:
Útvortis krem.
Venjulegar skammtastærðir:
Kremið er borið ríkulega á húð eftir þörfum. Nota má kremið undir sáraumbúðir.
Hversu langur tími líður uns verkun kemur fram:
Lyfið byrjar strax að virka.
Verkunartími:
Cetrímón binst við húð og því varir verkun þess í nokkrar klukkustundir eftir að það er borið á húðina.
Þörf á að breyta mataræði meðan lyfið er tekið:
Engin.
Geymsla:
Geymist í lokuðum umbúðum við stofuhita þar sem börn hvorki ná til né sjá.
Ef skammtur gleymist:
Lyfið er notað eftir þörfum.
Hvernig á að hætta töku lyfsins:
Hætta má notkun lyfsins hvenær sem hentar.
Ef tekinn er of stór skammtur:
Stórir skammtar ættu ekki að valda óþægindum.
Langtímanotkun:
Sjaldan ætti að vera ástæða til að nota lyfið nema skamman tíma í senn.
Aukaverkanir
Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.
| Aukaverkun | Tíðni | Leitið til læknis vegna einkenna | Leitaðu strax til læknis | Hættu strax töku lyfs | |||
|---|---|---|---|---|---|---|---|
| Algeng >1% | Sjaldgæf <1% | Ekki þekkt | Sem eru alvarleg | Í öllum tilvikum | |||
| Útbrot og mikill kláði |  |
|
|||||
Milliverkanir
Notkun lyfsins fer ekki saman við sápu og önnur anjónísk efni.
Sjá öll lyf sem geta haft áhrif á
Má ekki nota með
Getur haft áhrif á
Varúð
Læknir sem ávísar lyfinu þarf að vita hvort
- grunur leiki á um þungun
- þú sért með ofnæmi fyrir virka efninu eða einhverju hjálparefnanna
Meðganga:
Engin þekkt áhætta er af notkun lyfsins á meðgöngu. Ekki nota nein lyf á fyrstu 3 mánuðum meðgöngu nema í samráði við lækni.
Brjóstagjöf:
Lyfið berst ekki í brjóstamjólk.
Börn:
Venjulegar skammtastærðir.
Eldra fólk:
Venjulegar skammtastærðir.
Akstur:
Lyfið hefur ekki áhrif á aksturshæfni.
Áfengi:
Áfengi hefur ekki áhrif á verkun lyfsins.
Íþróttir:
Leyft við æfingar og í keppni.
Annað:
Forðist að fá lyfið í augu eða eyru.
Nánari upplýsingar
Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.