Dupixent

Dupixent er húðlyf sem er notað til meðferðar hjá fullorðnum og unglingum 12 ára og eldri með ofnæmishúðbólgu, einnig þekkt sem ofnæmisexem og hjá 6-11 ára þegar ofnæmishúðbólgan er mjög slæm. Lyfið er einnig notað við svæsnum astma ásamt öðrum astmalyfjum hjá 6 ára og eldri. Ásamt því er lyfið notað við langvinnri nef- og skútabólgu með sepageri í nefi. Dupixent er einnig notað til meðferðar hjá fullorðnum með miðlungsmikinn eða svæsinn hnúðaskæning (prurigo nodularis, PN). Lyfið er notað við rauðkyrningabólgu í vélinda og ásamt öðrum lyfjum við langvinnri lungnateppu. Dupixent inniheldur virka efnið dupilumab sem er svokallað einstofna mótefni. Dupilumab hamlar ákveðin prótein sem að leika lykilhlutverk í að valda einkennum ofnæmishúðbólgu, astma, langvinnrar nef- og skútabólgu með sepageri í nefi, svæsinn hnúðaskæning, rauðkyrningabólgu í vélinda og langvinnrar lungnateppu.

---

Notkun á lyfi

Lyfjaform:
Stungulyf í áfylltri sprautu eða lyfjapenna.

Venjulegar skammtastærðir:
Skammtar eru mismunandi eftir aldri og ábendingu. En viðhaldsskammtur er 200-300mg gefið á 1, 2 eða 4 vikna fresti. Dupixent er gefið með inndælingu undir húð í læri, kvið eða upphandlegg.

Hversu langur tími líður uns verkun kemur fram:
Einstaklingsbundið.

Geymsla:
Geymið í kæli (2 °C til 8 °C). Má ekki frjósa. Lyfið geymist í allt að 14 daga utan kælis við stofuhita að 25 °C og varið gegn ljósi.

Ef skammtur gleymist:
Ef þú hefur gleymt að sprauta skammti af Dupixent skaltu ræða við lækninn, lyfjafræðing eða hjúkrunarfræðinginn.

Hvernig á að hætta töku lyfsins:
Ekki hætta að nota Dupixent nema ræða fyrst við lækninn.

Ef tekinn er of stór skammtur:
Ef þú notar stærri skammt af Dupixent en mælt er fyrir um eða ef skammturinn hefur verið gefinn of snemma skaltu ræða við lækninn, lyfjafræðing eða hjúkrunarfræðinginn.

Langtímanotkun:
Virðist án vandkvæða.

---

Aukaverkanir

Algengustu aukaverkanir eru viðbrögð á stungustað.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Augnóþægindi, -kláði og -sársauki
Augnþurrkur
Erting á stungustað
Liðverkir
Ofnæmisviðbrögð, útbrot, kláði og öndunarerfiðleikar
Áblástur (frunsa)
Augnsýking

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• þú sért með ofnæmi fyrir virka efninu eða einhverju hjálparefnanna

Meðganga:
Takmarkaðar upplýsingar liggja fyrir um notkun dupilumabs á meðgöngu og þess vegna er æskilegt að forðast notkun lyfsins á meðgöngu nema læknirinn ráðleggi þér að nota það.

Brjóstagjöf:
Ekki er þekkt hvort dupilumab skilst út í brjóstamjólk eða frásogast í blóðrás eftir inntöku.

Börn:
Lyfið er notað fyrir börn 6 ára og eldri við ákveðnum ábendingum. Við öðrum ábendingum er miðað við 12 ára eða 18 ára.

Eldra fólk:
Venjulegir skammtar.

Akstur:
Ólíklegt er að Dupixent hafi áhrif á hæfni til aksturs og notkunar véla.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.