Ibaril (afskráð júl. 2010)

Ibaril inniheldur barksterann desoxímetasón. Sterinn bælir myndun efna sem framkalla bólgur og virkja ónæmiskerfið. Með þeim hætti hefur það bólgueyðandi, kláðastillandi, æðaherpandi og ónæmisbælandi áhrif. Sterar sem notaðir eru í húðlyf skiptast gróflega í 4 flokka eftir styrkleika. Desoxímetasón er tiltölulega öflugur steri og tilheyrir flokki 3, næstöflugasta flokknum. Ibaril er notað á exem og aðra húðsjúkdóma, eða þar sem sterar eiga við.

---

Notkun á lyfi

Lyfjaform:
Útvortis krem og smyrsli.

Venjulegar skammtastærðir:
Borið á í þunnu lagi 1-2svar á dag. Hendur skal þvo eftir notkun.

Hversu langur tími líður uns verkun kemur fram:
Misjafnt eftir ástandi sjúklings.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá.

Ef skammtur gleymist:
Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Hvernig á að hætta töku lyfsins:
Hafi lyfið verið notað í stuttan tíma við tilfallandi einkennum er óhætt að hætta notkun þegar einkennin eru ekki lengur til staðar. Í öðrum tilfellum skal hafa samband við lækni áður en notkun lyfsins er hætt.

Ef tekinn er of stór skammtur:
Stakir skammtar sem eru litlu stærri en venjulega ættu ekki að skapa vanda. Ef barn notar lyfið eða ef vart verður við einhver óvenjuleg einkenni skal hafa samband við lækni.

Langtímanotkun:
Við langtímanotkun er meiri hætta á að aukaverkanir lyfsins komi fram. Desoxímetasón getur valdið húðþynningu þegar það er notað útvortis í langan tíma. Ef meðferð er skyndilega hætt eftir langtímanotkun geta komið fram fráhvarfseinkenni á formi roða, sviða og bruna í húð. Þetta má hindra með því að hætta meðhöndlun smám saman.

---

Aukaverkanir

Hvort aukaverkanir koma fram er háð einstaklingsbundnu næmi, skömmtun, meðferðarlengd, staðsetningu og gerð húðsjúkdómsins. Við meðhöndlun á stórum húðsvæðum geta almenn áhrif barkstera komið fram. Afleiðingarnar geta verið kringluleitara andlitslag, beinþynning og hömlun á vexti. Þetta er hins vegar mjög sjaldgæft.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Almenn steraáhrif
Húðþynning
Sýking í húð
Útbrot og mikill kláði

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú sért með einhver önnur húðvandamál

Meðganga:
Nokkur hætta er á því að lyfið hafi áhrif á fóstur.

Brjóstagjöf:
Ekki er vitað hvort lyfið berst í brjóstamjólk.

Börn:
Venjulegar skammtastærðir. Gæta skal varúðar við notkun lyfsins.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Varast skal að bera á stór húðsvæði, í andlit og í húðfellingar.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.