Metvix

Metvix er notað við krabbameini í andlitshúð og hársverði sem meðal annars getur verið af völdum sólarljóss. Faglærðir heilbrigðisstarfsmenn sjá alfarið um meðferðina. Meðferðin felst í að bera Metvix krem á húðina og beita síðan á hana ljósi. Skemmdar húðfrumur taka upp metýlamínólevúlínat úr kreminu og skemmast svo við það að ljósi sé beitt á þær (ljósvirknimeðferð). Heilbrigð húð umhverfis verður ekki fyrir áhrifum.

---

Notkun á lyfi

Lyfjaform:
Útvortis krem.

Venjulegar skammtastærðir:
Öll stig meðferðarinnar eru í höndum faglærðra heilbrigðisstarfsmanna.

Hversu langur tími líður uns verkun kemur fram:
Misjafnt eftir ástandi sjúklings.

Verkunartími:
Misjafn eftir ástandi sjúklings.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum á köldum stað (2-8°C) þar sem börn hvorki ná til né sjá. Nota skal lyfið innan viku frá því að umbúðir eru opnaðar.

Ef skammtur gleymist:
Í flestum tilfellum þarf einungis að beita meðferðinni í eitt skipti og þar sem meðferðin er í höndum faglærðra heilbrigðisstarfsmanna þá er lítil hætta á að skammtur gleymist.

Hvernig á að hætta töku lyfsins:
Ekki hætta notkun lyfsins nema í samráði við lækni.

Ef tekinn er of stór skammtur:
Meiri líkur eru á sársauka og sviða ef lyfið er látið liggja lengi á húðinni. Hafðu samband við lækni í öllum tilfellum.

Langtímanotkun:
Takmörkuð reynsla er af notkun lyfsins í langan tíma.

---

Aukaverkanir

60-80% sjúklinga finna fyrir einhverjum aukaverkunum. Algengast er að fólk finni fyrir sársaukakennd í húð. Einkenni eru venjulega væg eða miðlungs alvarleg. Venjulega koma einkennin fram meðan á ljósameðferð stendur eða stuttu eftir hana og vara í nokkrar klst. og venjulega hjaðna þau á meðferðardegi.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Bruna- og hitatilfinning
Hörundsroði
Kláði og bjúgur
Litabreytingar í húð
Sár, blæðingar og blöðrur í húð
Sársauki og óþægindi á meðferðarstað
Skorpumyndun
Sviði, stingur og náladofi í húð
Sýking í húð
Útbrot og mikill kláði

---

Milliverkanir

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf

Meðganga:
Takmörkuð reynsla er af notkun lyfsins hjá þunguðum konum.

Brjóstagjöf:
Ekki er vitað hvort lyfið berst í brjóstamjólk. Konur með barn á brjósti ættu því að gera hlé á brjóstagjöf í tvo sólarhringa eftir notkun lyfsins.

Börn:
Lyfið er ekki ætlað börnum yngri en 18 ára.

Eldra fólk:
Venjulegar skammtastærðir.

Akstur:
Lyfið hefur ekki áhrif á aksturshæfni.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Forðist að láta sólarljós skína á húðskemmdir sem fengið hafa meðferð eða húðina í kring fyrstu dagana á eftir.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.