Sulfur - forskriftarlyf

Sulfur er forskriftarlyf lækna. Það þýðir að ekki eru gerðar sömu kröfur um merkingu, klínískar rannsóknir eða fylgiseðil eins og til skráðra lyfja. Því eru engar upplýsingar um lyfið í Sérlyfjaskrá. Sulfur kremið inniheldur 5% brennistein og er notað við gelgjubólum. Brennisteinn hreinsar húðina og hefur væga örverudrepandi eiginleika.

---

Notkun á lyfi

Lyfjaform:
Útvortis krem

Venjulegar skammtastærðir:
Notist samkvæmt leiðbeiningum frá lækni. Yfirleitt er húðin þvegin áður en kremið er borið á. Kremið er borið á bólótt svæði og þrifið af eftir 10 mínútur.

Hversu langur tími líður uns verkun kemur fram:
Misjafnt eftir ástandi sjúklings, allt að 3 mánuðir.

Verkunartími:
Misjafnt eftir ástandi sjúklings.

Geymsla:
Geymið við stofuhita þar sem börn ná hvorki til né sjá.

Ef tekinn er of stór skammtur:
Hafðu samband við lækni, sjúkrahús eða eitrunarmiðstöð (sími 543 2222).

Langtímanotkun:
Nota skal lyfið eins lengi og læknir segir til um.

---

Aukaverkanir

Aukaverkanir sem koma fram eru aðallega tengdar húðinni eins og þurrkur og roði. Láttu lækni vita af öllum aukaverkunum sem þú finnur.

---

Milliverkanir

Engar rannsóknir hafa verið gerðar á milliverkunum. Gæta skal varúðar þegar aðrar húðvörur eru notaðar samhliða sulfur kremi.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf

Meðganga:
Ekki hafa verið gerðar neinar rannsóknir á þessu lyfi.

Brjóstagjöf:
Ekki er vitað hvort lyfið berst í brjóstamjólk.

Íþróttir:
Innihaldsefnin eru ekki bönnuð við æfingar og í keppni.

Annað:
Sulfur krem er forskriftarlyf lækna og því eru engar upplýsingar um lyfið í Sérlyfjaskrá.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.