Thiamazole Uni-Pharma

Thiamazole Uni-Pharma er skjaldkirtilslyf sem inniheldur virka efnið thiamazol. Lyfið er notað við ofvirkum skjaldkirtli en þá seytir skjaldkirtillinn of miklu magni af skjaldkirtilshormónum út í blóðið. Skjaldkirtilshormón hafa áhrif á efnaskipti í líkamanum og ef það er ofgnótt af þessum hormónum í blóðinu getur maður fengið mikla orku í upphafi sem getur á endað með ofkeyrslu. Einkenni sem geta tengst ofvirkum skjaldkirtil er meðal annars þreyta, mæði, kvíði, pirringur, svitnar mikið, bólga á hálsi og þurr augu. Einnig geta augun orðið útstæð en með því fylgir einnig verkir og tvísýni. Thiamazol hindrar upptöku á joði við framleiðslu skjaldkirtilshormóna en joð er nauðsynlegt fyrir nýmyndun skjaldkirtilshormóna. Lyfið hefur því þau áhrif að líkaminn á erfiðara með að framleiða skjaldkirtilshormón sama hver orsök offramleiðslunnar er.

---

Notkun á lyfi

Lyfjaform:
Töflur til inntöku.

Venjulegar skammtastærðir:
Fullorðnir: Upphafsskammtur er 2-8 töflur á dag, gefnar í nokkrum skömmtum. Viðhaldsskammtur er 1-2 töflur (5-10 mg) á dag að morgni. Börn: 3-17 ára, fer eftir þyngd barns. Lyfið tekið inn með vatnsglasi.

Hversu langur tími líður uns verkun kemur fram:
Um það bil 8 klst.

Verkunartími:
Um 1 sólarhringur.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum til varnar gegn ljósi þar sem börn hvorki ná til né sjá.

Ef skammtur gleymist:
Taka næsta skammt eins og venjulega og sleppa þeim sem gleymdist. Ekki taka 2 skammta á sama tíma.

Hvernig á að hætta töku lyfsins:
Einkenni sjúkdómsins geta versnað ef töku lyfsins er hætt. Ekki hætta töku lyfsins nema í samráði við lækni.

Ef tekinn er of stór skammtur:
Ef of stór skammtur af lyfinu hefur verið notaður, eða ef barn hefur í ógáti tekið inn lyfið skal hafa samband við lækni, sjúkrahús eða eitrunarmiðstöð (sími 543 2222).

---

Aukaverkanir

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Breyting á bragðskyni
Brisbólga: Hiti og kviðverkir
Eymsli í liðamótum
Gula
Kláði og útbrot í húð
Kviðverkir, ógleði, uppköst
Útbrot, kláði, bjúgur og öndunarerfiðleikar
Þrota í slímhimnu í munni og blæðing úr húð og slímhimnum, hálsbólga, hita og önnur einkenni sýkingar.

---

Milliverkanir

Joðskortur eykur virkni skjaldkirtils með inntöku lyfsins og ofgnótt joðmagn minnkar virkni kirtilsins. Aðrar milliverkanir við lyf eru ekki þekktar.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun eða að þú sért með barn á brjósti
• þú sért með ofnæmi fyrir virka efninu eða einhverju hjálparefnanna
• þú sért með skerta lifrar- eða nýrnastarfsemi
• þú takir einhver önnur lyf
• þú sért með eða hefur fengið brisbólgu
• þú sért með stækkaðan skjaldkirtil
• þú sért með ofnæmi fyrir öðrum lyfjum sem notuð eru til að meðhöndla ofvirkan skjaldkirtil.
• þú sért með stíflu í gallflæði
• þú heftur orðið fyrir beinmergsskaða

Meðganga:
Lyfið getur haft skaðleg áhrif á ófætt barn en nauðsynlegt getur verið að halda áfram meðferð á meðgöngu en aðeins undir nánu eftirliti hjá lækni. Konur á barneignaaldri eiga að nota örugga getnaðarvörn meðan á meðferð stendur.

Brjóstagjöf:
Lyfið berst í brjóstamjólk.

Börn:
Lyfið er ekki ætlað börnum undir 3ja ára aldri. Skammtar eru háðir líkamsþyngd hjá börnum 3-17 ára aldri.

Eldra fólk:
Gæti þurft lægri skammta.

Akstur:
Lyfið hefur ekki áhrif á hæfni til aksturs.

Áfengi:
Í litlum skömmtum hefur áfengi ekki áhrif á verkun lyfsins.

Íþróttir:
Leyft við æfingar og í keppni.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.