Zaditen

Zaditen er notað við ofnæmiseinkennum í augum. Lyfið er svokallaður histamínviðtakablokki. Ketótifen, virka efni lyfsins, hindrar áhrif histamíns í líkamanum, en histamín er það boðefni sem veldur helstu einkennum ofnæmis. Lyfið stuðlar auk þess það að auknum stöðugleika mastfrumna í líkamanum. Áhrif lyfsins eru skjótvirk.

---

Notkun á lyfi

Lyfjaform:
Augndropar.

Venjulegar skammtastærðir:
1 dropi í auga 2svar á dag.

Hversu langur tími líður uns verkun kemur fram:
Nokkrar mínútur.

Verkunartími:
8-12 klst.

Þörf á að breyta mataræði meðan lyfið er tekið:
Engin.

Geymsla:
Geymist í lokuðum umbúðum við stofuhita þar sem börn hvorki ná til né sjá. Nota skal lyfið úr augndropaglasi innan 4ra vikna frá því að innri umbúðir eru opnaðar en einnota skammta skal nota um leið og umbúðirnar hafa verið rofnar.

Ef skammtur gleymist:
Notaðu lyfið um leið og þú manst eftir því. Ef stutt er til næsta skammts skaltu sleppa þeim sem gleymdist og halda áfram að nota lyfið eins og venjulega. Ekki nota tvo skammta í einu.

Hvernig á að hætta töku lyfsins:
Lyfið er yfirleitt aðeins notað þangað til að einkenni eru horfin.

Ef tekinn er of stór skammtur:
Stakir skammtar sem eru litlu stærri en venjulega ættu ekki að valda óþægindum. Hafðu samband við lækni ef einhver óvenjuleg einkenni koma fram.

Langtímanotkun:
Ketótifen er ekki ætlað til langtímanotkunar.

---

Aukaverkanir

Eins og almennt gildir um lausasölulyf eru aukaverkanir sjaldgæfar þegar farið er eftir reglum um notkun og venjulegar skammtastærðir eru notaðar.

Aukaverkun	Tíðni			Leitið til læknis vegna einkenna		Leitaðu strax til læknis	Hættu strax töku lyfs
	Algeng >1%	Sjaldgæf <1%	Ekki þekkt	Sem eru alvarleg	Í öllum tilvikum
Erting og sviði í auga
Roði og bólga í augum eða augnlokum
Útbrot og mikill kláði

---

Milliverkanir

Ketótifen til inntöku getur aukið áhrif lyfja sem hafa bælandi áhrif á miðtaugakerfið, annarra andhistamínlyfja og áfengis. Mun minni líkur eru á því að ketótifen í formi augndropa hafi þessi áhrif. Ef Zaditen er notað samtímis öðru augnlyfi, verður að láta líða a.m.k. 5 mín. á milli þess að lyfin eru notuð.

Sjá öll lyf sem geta haft áhrif á

Má ekki nota með

Getur haft áhrif á

---

Varúð

Læknir sem ávísar lyfinu þarf að vita hvort

• grunur leiki á um þungun
• þú sért með langvarandi lifrar- eða nýrnasjúkdóm
• þú sért með ofnæmi fyrir virka efninu eða einhverju hjálparefnanna
• þú takir einhver önnur lyf
• þú notir augnlinsur

Meðganga:
Takmörkuð reynsla er af notkun lyfsins hjá þunguðum konum

Brjóstagjöf:
Lyfið berst í brjóstamjólk en í venjulegum skömmtum hefur það ekki áhrif á barnið.

Börn:
Lyfið er ekki ætlað börnum yngri en 3ja ára.

Eldra fólk:
Venjulegar skammtastærðir.

Akstur:
Lyfið getur valdið sjóntruflunum og syfju. Ekki aka bíl fyrr en reynsla er komin á það hvaða áhrif lyfið hefur.

Áfengi:
Áfengi hefur ekki áhrif á verkun lyfsins.

Íþróttir:
Leyft við æfingar og í keppni.

Annað:
Rotvarnarefni í augndropunum í margnota umbúðunum getur skemmt mjúkar augnlinsur.

---

Nánari upplýsingar

Nánari upplýsingar um lyfið er að finna í SPC texta og í fylgiseðli lyfsins, sem má finna á heimasíðu Sérlyfjaskrá. Ef upplýsingar hér stangast á við þær upplýsingar ber að fara eftir SPC texta lyfsins og/eða fylgiseðli.